بدھا دیب بھٹاچاریہ کی اہلیہ میرا بھٹاچاریہ اسپتال سے ڈسچارج
ہسپتال سے ڈسچارج ہو کر منگل کو گھر واپس آگئیں میرا بھٹاچاریہ۔ ڈاکٹروں کے مطابق، سابق وزیر اعلیٰ ب±دھدیو بھٹاچاریہ کی اہلیہ ضرورت کے مطابق کھانا پینا نہیں کرتیں۔ اس لیے انہیں وقت پر کھانا کھانے کا مشورہ دیا گیا ہے۔ ہسپتال سے نکل کر میرا نے بتایا کہ وہ اب ٹھیک ہیں۔
گزشتہ جمعہ کو کلکتہ کے ایک ہسپتال میں داخل کرائی گئیں تھیں میرا۔ ڈاکٹر سو¿تیک پانڈا کی نگرانی میں تھیں ب±دھ-اہلیہ۔ ہسپتال ذرائع کے مطابق، وہ پیٹ کے دائیں جانب درد محسوس کر رہی تھیں۔ سی ٹی اسکین سے پتہ چلا کہ دائیں جانب کوئی مسئلہ نہ ہونے کے باوجود پیٹ کے بائیں جانب موٹی تہہ ہے۔ ابتدائی علاج کے بعد ان کا پیٹ کا درد کم ہو گیا۔ معمول کے مطابق ان کا خون کا ٹیسٹ کیا گیا۔ ڈاکٹروں نے پہلے ہی بتا دیا تھا کہ منگل کو انہیں ہسپتال سے ڈسچارج کیا جا سکتا ہے۔ اسی کے مطابق انہیں چھٹی مل گئی۔
میرا کے علاج کے لیے کارڈیالوجسٹ، گیسٹرو اینٹرولوجسٹ سمیت مختلف ماہرین کا میڈیکل بورڈ تشکیل دیا گیا تھا۔ ہفتہ کو ان سے ملنے ہسپتال گئے تھے وزیر اعلیٰ ش±وویندو ادھیکاری۔
جون 2023 میں دل میں لگے پیس میکر کی بیٹری تبدیل کرنے کے لیے میرا کو ہسپتال میں داخل کرایا گیا تھا۔ اس وقت ان کا ایک معمولی آپریشن ہوا تھا۔ اس سے پہلے 2021 میں سانس لینے میں تکلیف، بخار اور سر درد کی وجہ سے ب±دھدیو کی اہلیہ کو ہسپتال میں داخل کرایا گیا تھا۔