ماونواز جوڑے نے لال بازار میں خودسپردگی کی، کشن جی سے بھی قریبی تعلقات تھے
جھارکھنڈ میں طویل عرصے سے سرگرم ماو¿نواز جوڑے منگل اور مالتی نے کولکاتا پولیس کے سامنے خودسپردگی کر دی۔ دونوں کے نام سارندا کے جنگلات میں ماو¿نواز سرگرمیوں سے جڑے رہے ہیں۔ جمعہ کی صبح انہوں نے کولکاتا کے پولیس کمشنر اجے نندا کے سامنے اپنی اے کے-47 اور انساس رائفلیں جمع کرا دیں۔
منگل اور مالتی دونوں مغربی بنگال کے رہنے والے ہیں۔ منگل کا گھر مغربی مدناپور کے شالبنی میں ہے، جبکہ مالتی جھاڑگرام کے گوپی بلبھ پور کی رہنے والی ہیں۔ بعد میں دونوں جھارکھنڈ میں ماو¿نواز سرگرمیوں میں شامل ہو گئے۔
منگل ابتدا میں دلمہ علاقے اور بعد میں سارندا کے جنگلات میں ماو¿نواز سرگرمیوں میں ملوث رہے۔ اس کے بعد مالتی بھی جھاڑگرام سے سارندا منتقل ہو گئیں۔
پولیس کے مطابق، سارندا میں ان کے لیے سرگرم رہنا مشکل ہوتا جا رہا تھا، جس کے باعث 2026 میں ماو¿نوازوں نے اس علاقے سے نکلنا شروع کر دیا۔ اس فہرست میں مغربی بنگال کے تقریباً 13 افراد شامل تھے، جنہیں مختلف اوقات میں مختلف مقامات سے گرفتار کیا گیا۔
حال ہی میں جھارکھنڈ سے ہی تین افراد کو گرفتار کیا گیا۔ چند ماہ قبل پشپا نے کولکاتا میں خودسپردگی کی تھی، جبکہ بیلا کو گرفتار کیا گیا تھا۔ اب منگل اور مالتی نے بھی کولکاتا پولیس کے سامنے خودسپردگی کر دی ہے۔
کولکاتا کے پولیس کمشنر نندا نے بتایا کہ منگل 2011-12 کے بعد جھارکھنڈ چلے گئے تھے۔ اس سے پہلے، 2010 میں وہ ماو¿نواز تنظیم میں شامل ہوئے تھے۔ اس وقت شالبنی میں عوامی کمیٹی سرگرم تھی۔ پولیس کمشنر نے یہ بھی بتایا کہ خودسپردگی کرنے والے مانواز لیڈر کے ماونواز رہنما کشن جی کے ساتھ قریبی تعلقات تھے۔
پولیس کے مطابق، دونوں بنیادی طور پر سارندا کے علاقے میں سرگرم تھے۔ اب تک موصول ہونے والی اطلاعات کے مطابق، جھارکھنڈ میں منگل کے خلاف 6 سے 7 مقدمات زیرِ التوا ہیں۔ جھارکھنڈ پولیس نے ان کے سر پر 5 لاکھ روپے کا انعام مقرر کر رکھا تھا، جبکہ مالتی کے سر پر 2 لاکھ روپے کا انعام تھا۔
جمعہ کو دونوں ایک اے کے-47 اور ایک انساس رائفل کے ساتھ پولیس کے سامنے پیش ہوئے اور خودسپردگی کر دی۔
منگل نے کہا، ”مسلح جدوجہد کے ذریعے سماج میں تبدیلی لانا ممکن نہیں ہے۔ اسی لیے ہم اس راستے کو چھوڑ کر سماج کے مرکزی دھارے میں واپس آنا چاہتے ہیں۔ اسی مقصد سے ہم یہاں آئے ہیں اور مغربی بنگال حکومت کے سامنے خودسپردگی کی ہے۔“
قابلِ ذکر ہے کہ گزشتہ جون میں ماونواز رہنما پشپا، جنہیں شکنتلا کے نام سے بھی جانا جاتا ہے، نے کولکاتا پولیس کے سامنے خودسپردگی کی تھی۔ وہ 2001 سے ماونواز تحریک سے وابستہ تھیں۔
اس سے ایک ماہ قبل جھارکھنڈ کی سینئر ماونواز رہنما شردھا بسواس، عرف بیلا، کو کولکاتا پولیس نے اتر کشی پور علاقے سے گرفتار کیا تھا۔