Entertainment

’لائن پر نہ آیا تو نتائج کا ذمہ دار خود ہوگا‘ رنویر سنگھ کو بشنوئی گینگ کی جانب سے سنگین دھمکی

’لائن پر نہ آیا تو نتائج کا ذمہ دار خود ہوگا‘ رنویر سنگھ کو بشنوئی گینگ کی جانب سے سنگین دھمکی

بالی ووڈ اداکار رنویر سنگھ اور معروف ہدایت کار روہت شیٹی کو مبینہ طور پر بشنوئی گینگ کی جانب سے نئی دھمکیاں موصول ہوئی ہیں۔ میڈیا رپورٹ کے مطابق بالی ووڈ اداکار رنویر سنگھ کو ایک مرتبہ پھر مبینہ طور پر بشنوئی گینگ کی جانب سے دھمکی آمیز پیغام موصول ہوا ہے جس میں ان کے عملے کو نقصان پہنچانے کی وارننگ دی گئی ہے۔ ایک وائس نوٹ میں نامعلوم شخص کو یہ کہتے ہوئے سنا جا سکتا ہے کہ ‘بات سے مکرنے کی سزا کیا ہوتی ہے، ہم تجھے بتائیں گے’۔ دھمکی دینے والے شخص نے رنویر سنگھ کو مخاطب کرتے ہوئے کہا کہ ان کے پاس اداکار کے پورے اسٹاف، مینیجرز اور ان کے گھر والوں کی مکمل تفصیلات موجود ہیں۔ آڈیو پیغام میں دھمکی دی گئی ہے کہ رنویر سنگھ کو براہِ راست نقصان پہنچانے کے بجائے ان کے عملے کو نشانہ بنایا جائے گا تاکہ اداکار کو ‘سبق’ سکھایا جا سکے۔ وائس نوٹ میں روہت شیٹی اور پوری فلم انڈسٹری کو بھی خبردار کیا گیا ہے کہ وہ ‘لائن پر آجائیں’ ورنہ نتائج کے ذمہ دار وہ خود ہوں گے۔ میڈیا کا کہنا ہے کہ ان تازہ دھمکیوں کے بعد رنویر سنگھ اور دیپیکا پڈوکون نے اپنی ممبئی رہائش گاہ پر سیکیورٹی مزید سخت کر دی ہے اور وہاں مسلح اہلکار تعینات کر دیے گئے ہیں۔ پولیس اس معاملے کی تحقیقات کر رہی ہے۔

Source: social media

Post
Send
Kolkata Sports Entertainment

Please vote this article

0 Responses
Best Rating Best
Good Rating Good
Okay Rating Okay
Bad Rating Bad

Related Articles

Post your comment

0 Comments

No comments