Article | Akhbar-e-mashriq

National

کیا یہ مناسب ہے؟ سپریم کورٹ نے کرنل صوفیہ قریشی سے متعلق ریمارکس پر بی جے پی کے وزیر کو جھنجھوڑ دیا

سپریم کورٹ نے جمعرات کو مدھیہ پردیش کے بی جے پی کے وزیر کنور وجے شاہ کو انڈین آرمی آفیسر کرنل صوفیہ قریشی کے خلاف ریمارکس پر سخت تنقید کا نشانہ بناتے ہوئے ان کے خلاف درج ایف آئی آر میں مداخلت کرنے سے انکار کردیا۔ مدھیہ پردیش کے وزیر وجے شاہ نے اپنے خلاف ایف آئی آر درج کرنے کے خلاف سپریم کورٹ سے رجوع کیا ہے۔ مدھیہ پردیش ہائی کورٹ نے آرمی کرنل صوفیہ قریشی کے بارے میں متنازعہ بیان دینے پر وجے شاہ کے خلاف ایف آئی آر درج کرنے کا حکم دیا تھا۔ ہائی کورٹ کے حکم کے بعد بدھ 14 مئی کی شام اندور کی مہو تحصیل کے مان پور پولیس اسٹیشن میں وزیر کے خلاف ایف آئی آر درج کی گئی ہے۔ سپریم کورٹ میں دائر درخواست میں وجے شاہ نے کہا ہے کہ اس معاملے میں اتنی سخت کارروائی کی ضرورت نہیں تھی۔ ان کے بیان کو توڑ مروڑ کر پیش کیا گیا۔ انہوں نے اپنے بیان پر معافی بھی مانگ لی ہے۔ تاہم، چیف جسٹس نے مشاہدہ کیا، "ایسی پوزیشن میں کسی شخص کی طرف سے کہے جانے والے ہر جملے کو سنا جاتا ہے، خاص طور پر جب ملک حساس حالات سے گزر رہا ہو۔" انہوں نے مزید کہا، "آپ جانتے ہیں کہ آپ کون ہیں 24 گھنٹوں میں کچھ نہیں رہوگے۔" عدالت نے ایف آئی آر پر کوئی حکم امتناعی جاری نہیں کیا لیکن جمعہ کو اس معاملے کی سماعت کرنے پر رضامندی ظاہر کی۔

Source: social media