قطر کے گیس پلانٹ میں ہوئے دھماکے میں ہندستانی سمیت 13 افراد ہلاک ، 66 زخمی

قطر میں گیس پلانٹ میں دھماکے کے نتیجے میں بھارتی شہریوں سمیت 13 افراد ہلاک اور 66 زخمی ہوگئے۔ ہندستانی سفارت خانے نے ابھی تک مرنے والوں میں ہندوستانی شہریوں کی تعداد جاری نہیں کی ہے۔ دھماکہ اتوار کی رات ہوا۔ اطلاعات کے مطابق مرنے والوں میں کچھ پاکستانی بھی شامل ہیں۔ اس واقعے کے بعد، ہندستانی سفارت خانے نے تشویش کا اظہار کیا ہے اور ہندستانی شہریوں اور ان کے اہل خانہ کی مدد کے لیے ایک ہنگامی ہیلپ لائن شروع کی ہے۔ سفارت خانے نے کہا کہ وہ صورتحال پر مسلسل نظر رکھے ہوئے ہے۔ دوحہ میں ہندستانی سفارت خانے نے کہا کہ وہ دھماکے پر گہری تشویش میں مبتلا ءہے اور اس نے ہندستانی شہریوں اور ان کے اہل خانہ کے لیے ہنگامی ہیلپ لائن نمبرز کو فعال کر دیا ہے۔ سفارت خانے سے +974-55647502، +974-55384683، یا cons.doha@mea.gov.in پر ای میل کے ذریعے رابطہ کیا جا سکتا ہے۔ قطر کے وزیر توانائی سعد شیریدہ الکعبی نےاس کی تصدیق کی ہے۔حکام کے مطابق 18 افراد تاحال لاپتہ ہیں۔ ان کی تلاش کے لیے بڑے پیمانے پر ریسکیو آپریشن جاری ہے۔ حادثہ اس وقت پیش آیا جب گیس پلانٹ ایک ماہ کی بندش کے بعد دوبارہ شروع کیا جا رہا تھا۔ قطر کی سرکاری توانائی کمپنی، نے بتایا کہ دھماکہ دوبارہ شروع کرنے کے عمل کے دوران ہوا۔ ابتدائی تحقیقات میں اسے صنعتی حادثہ قرار دیا جا رہا ہے۔ ایران نے مارچ میں راس لفان پر میزائل حملہ کیا تھا جس سے کافی نقصان ہوا تھا۔ قطر نے اس حملے سے قبل پہلے ہی ایرانی حملوں اور ایران کی جانب سے آبنائے ہرمز کی بندش کی وجہ سے وہاں گیس کی پیداوار روک دی تھی۔ ایران آبنائے ہرمز پر اپنی گرفت کو ڈھیلاکر رہا ہے کیونکہ مستقل جنگ بندی کے لیے بات چیت جاری ہے، جس سے قطر کو اپنا سپلائی انفراسٹرکچر بحال کرنے کا موقع مل رہا ہے۔ راس لفان قطر کی سب سے اہم گیس سہولیات میں سے ایک ہے۔ یہ ملک کی بجلی پیدا کرنے اور سمندری پانی کو صاف کرنے والے پلانٹس کو گیس فراہم کرتا ہے۔ حادثے کے بعد پورے علاقے میں امدادی اور بچاؤ کا کام جاری ہے۔ حکام لاپتہ افراد کی تلاش کر رہے ہیں، اور زخمیوں کا ہسپتالوں میں علاج کیا جا رہا ہے۔

Source: social media