کل غیر ملکی زر مبادلہ کے ذخائر 8.09 ارب ڈالر کی ہفتہ وار گراوٹ کے ساتھ 688.89 ارب ڈالر کی سطح پر

ممبئی، 22 مئی: ملک کے کل غیر ملکی زر مبادلہ کے ذخائر 15 مئی کو ختم ہوئے ہفتے میں 8.09 ارب ڈالر گر کر 688.89 ارب ڈالر کی سطح پر آ گئے ۔ ریزرو بینک کی جانب سے جمعہ کو جاری کردہ ہفتہ وار اعداد و شمار کے مطابق زیر جائزہ ہفتے میں غیر ملکی زر مبادلہ کے ذخائر کا بڑا حصہ یعنی غیر ملکی زر مبادلہ کے اثاثے 6.48 ارب ڈالر گر کر 545.90 ارب ڈالر کی سطح پر رہے ۔ غیر ملکی زر مبادلہ کے اثاثوں کی مالیت میں تبدیلی مختلف بڑی غیر ملکی کرنسیوں کے مقابلے ڈالر کے تبادلے کی شرح میں اتار چڑھا¶ سے بھی متاثر ہوتی ہے ۔ آر بی آئی کے اعداد و شمار کے مطابق زیر جائزہ ہفتے میں سونے کے ذخائر 1.54 ارب ڈالر کم ہو کر تقریباً 119.32 ارب ڈالر رہے ۔ 15 مئی کو ختم ہوئے ہفتے میں خصوصی ڈرائنگ رائٹس (ایس ڈی آر) 4.9 کروڑ ڈالر کم ہو کر 18.82 ارب ڈالر اور بین الاقوامی مالیاتی فنڈ (آئی ایم ایف) کے پاس جمع شدہ غیر ملکی زر مبادلہ کے ذخائر 2.5 ارب ڈالر گھٹ کر 4.85 ارب ڈالر کے برابر تھے ۔ ایک سال پہلے کے مقابلے میں غیر ملکی زر مبادلہ کے اثاثوں کے حصے میں 35.75 فیصد کی زبردست گراوٹ کے باوجود کل غیر ملکی زر مبادلہ کے ذخائر میں 3.165 ارب کی نمو ریکارڈ کی گئی۔ اس کی بنیادی وجہ سونے کے ذخائر میں 38.10 ارب ڈالر کا اضافہ ہے ۔

Source: UNI NEWS