خوبصورت اور جوان خواتین کو پارٹی میں نہ لایا گیا تو پرانی خاتون کو فارغ کر دیاجائے گا: بی جے پی
"اگر خوبصورت اور تعلیم یافتہ خواتین کو پارٹی میں نہ لایا گیا تو پرانی خاتون کارکنوں کو فارغ کر دیا جائے گا۔" الزام ہے کہ بی جے پی کے کاٹوا سٹی صدر سمن دیب ناتھ نے کچھ ایسا ہی حکم جاری کیا تھا۔ اس بیان کے ردِعمل میں کاٹوا میں بی جے پی کے سٹی صدر سمن دیب ناتھ کے خلاف پارٹی کے اندر ہی شدید احتجاج شروع ہو گیا۔ اتوار کی رات پارٹی دفتر کے سامنے بی جے پی کے مرد و خواتین رہنماو¿ں اور کارکنوں نے انہیں گھیر کر شدید نعرے بازی کی اور سٹی صدر کے استعفے کا مطالبہ کیا۔
الزام ہے کہ سمن نے پارٹی کی پرانی خاتون رہنماو¿ں اور کارکنوں کے بجائے خوبصورت اور تعلیم یافتہ خواتین کو شامل کر کے انہیں ذمہ داریاں دینے کی بات کہی تھی۔ اس کے علاوہ، پارٹی کے پروگراموں میں پرانی خاتون کارکنوں کو مناسب عزت نہ دینے اور حال ہی میں پارٹی میں شامل ہونے والی خواتین کو زیادہ اہمیت دینے کے الزامات بھی ان پر عائد کیے گئے ہیں۔ مظاہرین کا دعویٰ ہے کہ اس قسم کے تبصروں سے وہ خود کو بے عزت محسوس کر رہے ہیں اور شدید ناراض ہیں۔
اتوار کی رات تقریباً ساڑھے آٹھ بجے کاٹوا شہر میں بی جے پی کے سٹی صدر کے دفتر کے سامنے متعدد رہنما اور کارکن جمع ہو گئے۔ اس وقت سمن دفتر میں ہی موجود تھے، جہاں خاتون رہنماو¿ں اور کارکنوں نے انہیں گھیر کر مختلف الزامات پر سخت غصے کا اظہار کیا۔ یہ احتجاج دیر رات تک وقفے وقفے سے جاری رہا۔ ان پر 'کٹ منی' (کمیشن) لینے اور خواتین کے بارے میں ناشائستہ تبصرے کرنے کے الزامات بھی لگائے گئے ہیں۔