حضرت امام حسینؑ کی شہادت دنیا بھر کے انسانوں کو حق، انصاف اور سچائی کے راستے پر ثابت قدم رہنے کی ترغیب دیتی ہے: وزیراعظم

نئی دہلی : یوم عاشورہ کے موقع پر وزیراعظم نریندر مودی نے حضرت امام حسینؑ کی شہادت کو خراج عقیدت پیش کرتے ہوئے کہا ہے کہ ان کی قربانی آج بھی دنیا بھر کے انسانوں کو حق، انصاف اور سچائی کے راستے پر ثابت قدم رہنے کی ترغیب دیتی ہے۔ وزیراعظم نے سوشل میڈیا پلیٹ فارم ایکس پر اپنے پیغام میں لکھا کہ حضرت امام حسینؑ کی بے مثال قربانی ہمت، صبر اور غیر متزلزل ایمان کی ایسی مثال ہے جو ہر دور میں ظلم و ناانصافی کے خلاف کھڑے ہونے کا حوصلہ بخشتی رہے گی۔محرم الحرام کا چاند نظر آتے ہی دنیا بھر میں مسلمان غم و اندوہ کی کیفیت میں مبتلا ہو جاتے ہیں۔ اس مقدس مہینے میں حضرت امام حسینؑ اور ان کے جاں نثار ساتھیوں کی شہادت کو یاد کیا جاتا ہے، جنہوں نے کربلا کے تپتے ہوئے میدان میں حق و صداقت کی خاطر اپنی جانیں قربان کر دیں۔ اسی نسبت سے مجالس، جلوس اور عزاداری کا اہتمام کیا جاتا ہے اور اہلِ بیتؑ کی قربانیوں کو عقیدت کے ساتھ یاد کیا جاتا ہے۔ کانگریس صدر ملکارجن کھرگے نے جمعہ کے روز محرم کے موقع پر اپنی خواہشات کا اظہار کرتے ہوئے شہریوں سے ہمدردی اور سماجی انصاف کی اقدار کو اپنانے کی اپیل کی۔ انہوں نے سچائی اور راستبازی کے لیے دی گئی تاریخی قربانیوں پر غور کرنے کے لیے اس دن کی اہمیت پر روشنی ڈالی۔ کانگریس صدر ملکارجن کھرگے نے ایک پوسٹ میں امام حسین کی میراث پر روشنی ڈالی۔ ملکارجن کھرگے نے لکھا، "مظلوم ہوتے ہوئے فتح حاصل کرنا، یہ میں نے امام حسین سے سیکھا۔" ~ مہاتما گاندھی۔ آئیے محرم کے اس موقع پر حضرت امام حسین علیہ السلام کی عظیم قربانی کو یاد کرتے ہوئے محبت، اخوت، انصاف اور باہمی ہم آہنگی کے راستے پر چلنے کا عزم کریں۔ #محرم۔"

Source: Social Media