پٹنہ، 11 اپریل (:بہار کی ہائی پروفائل گیا (محفوظ ) سیٹ پر بہار کے سابق وزیر اعلیٰ جیتن رام مانجھی کی ساکھ بھی داؤ پر لگی ہوئی ہے، وہیں راشٹریہ جنتا دل (آر جے ڈی) کے امیدوار کمار سروجیت پر والد راجیش کمار کی سیاسی وراثت کو آگے لے جانے کا چیلنج ہے۔ 2019 کے لوک سبھا انتخابات میں، گیا (محفوظ ) سیٹ پرنیشنل ڈیموکریٹک الائنس (این ڈی اے) میں شامل جنتا دل یونائیٹڈ (جے ڈی یو) کے امیدوار سابق ایم پی بھگوتی دیوی کے بیٹے وجے کمار مانجھی نے گٹھ بندھن میں شامل ہندوستانی عوام مورچہ (ہم) کے امیدوار جیتن رام مانجھی کو شکست دی تھی۔ اس الیکشن میں جیتن رام مانجھی گرینڈ الائنس چھوڑ کر این ڈی اے میں شامل ہو گئے ہیں۔ این ڈی اے میں سیٹوں کے تال میل کے تحت گیا (محفوظ) سیٹ ’ہم ‘ امیدوار کو ملی ہے۔ این ڈی اے نے اس الیکشن میں امام گنج (محفوظ) کے ایم ایل اے جیتن رام مانجھی کو گیا (محفوظ) سیٹ کے لیے امیدوار بنایا ہے۔ (ہم) کے امیدوار مسٹر مانجھی گیا سیٹ سے چوتھی بار انتخاب لڑ رہے ہیں، جب کہ انڈین نیشنل ڈیموکریٹک انکلوسیو الائنس (انڈی الائنس) میں شامل امیدوار اور بودھ گیا (محفوظ) کے ایم ایل اے کمار سروجیت انتخابی میدان میں اپنا چیلنج پیش کررہے ہیں۔ کمار سروجیت آنجہانی راجیش کمار کے بیٹے ہیں جنہوں نے گیا (محفوظ) سیٹ سے 1991 کے لوک سبھا انتخابات میں جیتن رام مانجھی کو شکست دی تھی۔ اس طرح 33 سال بعد جیتن رام مانجھی باپ کے بعد بیٹے سے مقابلہ کر رہے ہیں۔ گیا اس لوک سبھا الیکشن میں واحد سیٹ ہے، جہاں دو ایم ایل اے جیتن رام مانجھی اور کمار سروجیت کے درمیان مقابلہ ہوگا۔ گزشتہ لوک سبھا انتخابات میں جے ڈی یو نے یہاں سے جیت حاصل کی تھی، لیکن اس بار جے ڈی یو نے مسٹر مانجھی کے لیے یہ سیٹ چھوڑ دی ہے۔ ایسے میں گیا سیٹ پر جیتن رام مانجھی کے ساتھ ساتھ نتیش کمار کی ساکھ بھی داؤ پر لگی ہے۔
Source: uni news
سارن : بہونے ساس کو جلاکر مار ڈالا
سونے کی فی گرام قیمت میں نمایاں کمی، عالمی منڈی میں تیزی برقرار
آئین ہی سپریم ہے ؛ عدالتی نظرثانی آئینی کام: سپریم کورٹ نے پارلیمانی بالادستی کا دعویٰ مسترد کر دیا
اکستان نے پھر سےگولہ باری کردی شروع، اُڑی سیکٹر میں سرحد پار سے داغے گئے گولہ بارود،جموں میں بلیک آوٹ
کرناٹک میں جناردن ریڈی کرناٹک اسمبلی سے نااہل
ہند-پاکستان کشیدگی میں سرمایہ کاروں کے سات لاکھ کروڑ سے زائد ڈوب گئے
ہند-پاک کشیدگی کے سبب شیئر بازار میں ہاہاکار، سینسیکس 79000 سے نیچے، بڑی کمپنیوں کے شیئرز زمین بوس
جموں وکشمیر کے وزیراعلیٰ عمرعبداللہ کا بڑا بیان، ‘پاکستان ہتھیارڈال دے، نہیں تو…’
بی ایس ایف کے جوانوں نے سانبہ سیکٹر میں سات دہشت گردوں کو کیا ہلاک
امبانی گروپ 'سندور' کو ٹریڈ مارک بنانے کے مطالبے سے پیچھے ہٹ گیا
حکومتی احکامات پر عمل کرتے ہوئے ایکس نے ہندستان میں 8000 سے زیادہ اکاؤنٹس کو بلاک کیا، ''
جموں و کشمیر: اوڑی میں پاکستانی فوج کی گولہ باری سے خاتون از جان، 3 زخمی
رافیل اڑانے والے پہلے کشمیری پائلٹ مسلمان ونگ کمانڈر ہلال احمد، جانئے کیا آپریشن سندو ر میں لیا یھا حصہ؟
پاکستان نے پھر منہ کی کھائی، جموں ایئر پورٹ پر حملے کی کوشش ناکام، سبھی میزائلیں مار گرائی گئیں