بالی ووڈ اداکارہ و سیاستدان جیا بچن پاپا رازی فوٹو گرافرز پر ایک بار پھر آگ بگولہ ہو گئیں، انہوں نے اس حوالے سے سوال کیا ہے کہ یہ لوگ میڈیا کی نمائندگی کے لیے کہاں سے آتے ہیں اور کیا انہیں تربیت ملی ہے؟ میڈیا کے مطابق جیا بچن حال ہی میں پھر پاپارازیوں پر شدید برہمی کا اظہار کرنے کے سبب خبروں کی زینت بن گئی ہیں۔ جیا بچن اکثر بغیر اجازت تصاویر لینے اور غیر اخلاقی تبصرے کرنے پر پاپارازی فوٹو گرافرز و صحافیوں کے خلاف سخت الفاظ استعمال کرتی رہی ہیں، ممبئی میں منعقدہ ایک تقریب میں پینل ڈسکشن کے دوران سینئر اداکارہ نے فوٹوگرافرز کے رویے، نامناسب تبصروں اور لباس پر شدید تنقید کی۔ تقریب کے دوران جب جیا بچن سے پاپارازی صحافیوں و فوٹو گرافرز کے ساتھ تعلقات کے بارے میں سوال کیا گیا تو انہوں نے بغیر کسی ہچکچاہٹ کے جواب دیا کہ یہ عجیب بات ہے، میں میڈیا کی ہی پیداوار ہوں، لیکن پاپارازی صحافی و فوٹو گرافرز کے ساتھ میرا تعلق صفر ہے، یہ لوگ کون ہیں؟ کیا انہیں اس ملک کے لوگوں کی نمائندگی کے لیے تربیت دی گئی ہے؟ کیا آپ انہیں میڈیا کہتے ہیں؟ میں میڈیا سے آئی ہوں، میرے والد ایک صحافی تھے اور میں ایسے لوگوں کا بہت احترام کرتی ہوں۔ انہوں نے پاپارازیوں کے لباس اور رویے پر تنقید جاری رکھتے ہوئے سوال اٹھایا کہ مگر یہ جو باہر ’ڈرین پائپ پینٹ‘ اور گندے گندے کپڑے پہن کر ہاتھ میں موبائل لے کر کھڑے ہوتے ہیں اور ان کا خیال ہے کہ صرف موبائل رکھنے سے وہ آپ کی تصویر لے سکتے ہیں اور جو چاہیں کہہ سکتے ہیں؟ اور وہ جس قسم کے تبصرے کرتے ہیں؟ یہ کس طرح کے لوگ ہیں؟ یہ کہاں سے آتے ہیں؟ ان کی تعلیم کیا ہے؟ ان کا پس منظر کیا ہے؟ کیا یہ ہماری نمائندگی کریں گے؟ صرف اس لیے کہ ان کے پاس سوشل میڈیا تک رسائی ہے؟ واضح رہے کہ جیا بچن وقتاً فوقتاً عوامی اجتماعات میں پاپارازیوں کو تنقید کا نشانہ بناتی رہی ہیں اور انہیں متعدد بار مناسب رویہ اختیار کرنے کی تلقین بھی کر چکی ہیں۔ جیا بچن کو آخری بار کرن جوہر کی 2023ء کی فلم ’راکی اور رانی کی پریم کہانی‘ میں رنویر سنگھ اور عالیہ بھٹ کے ساتھ دیکھا گیا تھا۔
Source: social media
دوران حج ایسا کیا ہوا تھا کہ محمد رفیع نے گلوکاری چھوڑ دی؟ بیٹے نے بتادیا
شاہ رخ اور سلمان کو بڑا اسٹار اور ان کے مقابلے میں خود ویٹر سمجھتا ہوں، عامر خان
’ادے پورفائلز‘ کے بعد لوجہاد، مبینہ اسلامی دہشت گردی اور مذہب تبدیلی پر مبنی امت جانی کی نئی فلم ’عائشہ‘ کا پوسٹر ریلیز
میرے خاندان نے کبھی بھی بیف نہیں کھایا، سلیم خان
رانیا راؤ پر سونے کی اسمگلنگ کے کیس میں 102 کروڑ روپے جرمانہ عائد
کیکو شاردا نے کرشنا ابھیشیک سے بحث کے بعد کپل شرما شو چھوڑ دیا؟
دوران حج ایسا کیا ہوا تھا کہ محمد رفیع نے گلوکاری چھوڑ دی؟ بیٹے نے بتادیا
شاہ رخ اور سلمان کو بڑا اسٹار اور ان کے مقابلے میں خود ویٹر سمجھتا ہوں، عامر خان
’ادے پورفائلز‘ کے بعد لوجہاد، مبینہ اسلامی دہشت گردی اور مذہب تبدیلی پر مبنی امت جانی کی نئی فلم ’عائشہ‘ کا پوسٹر ریلیز
میرے خاندان نے کبھی بھی بیف نہیں کھایا، سلیم خان
رانیا راؤ پر سونے کی اسمگلنگ کے کیس میں 102 کروڑ روپے جرمانہ عائد
کیکو شاردا نے کرشنا ابھیشیک سے بحث کے بعد کپل شرما شو چھوڑ دیا؟
فلم دنگل کی اداکارہ زائرہ وسیم کا نکاح، تصاویر شیئر کردیں
بغیر شور شرابہ کے دھرمیندر کی آخری رسومات ادا، صرف اہل خانہ اور بالی ووڈ ہستیاں رہیں موجود