بالی ووڈ کےسپر اسٹار اداکار عامر خان نے بیٹے جنید خان کی فلم ’لویاپا‘ کی کامیابی پر سگریٹ نوشی چھوڑنے کا عہد کرلیا۔ میڈیا رپورٹس کے مطابق 59 سالہ عامر خان نے31 سالہ بیٹے کی نئی فلم ’لویاپا ‘ کو پرلطف قرار دیا اور کہا کہ اگر جنید خان کی فلم باکس آفس پر ہٹ ثابت ہوئی تو سگریٹ نوشی ترک کردوں گا۔ لویاپا رومینس کامیڈی فلم ہے، جو 7 فروری کو ریلیز ہوگی، جس کی باکس آفس کامیابی سے متعلق عامر خان نے کافی امیدیں وابستہ کر رکھی ہیں۔ حالیہ انٹرویو میں عامر خان نے جنید خان کے فلم ’لو یاپا‘ میں کام کرنے والی آنجہانی اسٹار اداکارہ سری دیوی کی چھوٹی بیٹی خوشی کپور کو اُن کی والدہ سے تشبیہ دی ہے۔ انہوں نے مزید کہا کہ میں نے فلم دیکھی ہے، مجھے پسند آئی ہے، کافی پرلطف ہے، جس میں موبائل فونز اور ٹیکنالوجی کی وجہ سے ہماری زندگی آنے والی تبدیلیوں کو بہت اچھے انداز میں فلمایا گیا ہے۔ عامر خان نے یہ بھی کہا کہ فلم کی تمام ہی کاسٹ نے بہت اچھے سے پرفارمنس دی، فلم میں خوشی کی اداکاری دیکھ کر مجھے سری دیوی جی یاد آگئی کیونکہ میں اُن کا بہت بڑا مداح رہا ہوں۔ فلم کا ٹریلر 10 جنوری کو ممبئی میں ریلیز کیا جائے گا جبکہ فلم 7 فروری سے سنیما گھروں کی زینت بنے گی۔

Source: social Media