غیر ملکی زرمبادلہ کے ذخائر میں 1.877 ارب ڈالر کی کمی

ممبئی، 5 دسمبر: ملک کے غیر ملکی زرمبادلہ کے ذخائر 28 نومبر کو ختم ہوئے ہفتے میں 1.877 ارب ڈالر کم ہو کر 686.227 ارب ڈالر رہ گئے ، جو چھ ماہ سے زیادہ کی نچلی سطح ہے ۔ البتہ سونے کے ذخائر میں اضافہ درج کیا گیا ہے ۔ ملک کے زرمبادلہ کے ذخائر میں مسلسل دوسرے ہفتے کمی آئی ہے ۔ اس سے پہلے ، 21 نومبر کو ختم ہوئے ہفتے میں یہ 4.463 ارب ڈالر کی کمی کے ساتھ 688.104 ارب ڈالر ہو گئے تھے ۔ رِیزرو بینک کے جمعہ کو جاری کردہ اعداد و شمار کے مطابق 28 نومبر کو ختم ہوئے ہفتے میں غیر ملکی زرمبادلہ کے ذخائر کا سب سے بڑا جزو غیر ملکی کرنسی اثاثے 3.569 ارب ڈالر گھٹ کر 557.031 ارب ڈالر رہ گئے ۔ اس میں امریکی ڈالر کے ساتھ جاپانی ین، برطانوی پا¶نڈ اور یورو بھی شامل ہیں، جن کی قیمت کا حساب ڈالر کے مقابلے ان کے حوالہ کی شرح کی بنیاد پر کیا جاتا ہے ۔۔ ہفتے کے دوران سونے کے ذخائر میں 1.631 ارب ڈالر کا اضافہ ہوا اور یہ بڑھ کر 105.795 ارب ڈالر ہو گئے ۔ بین الاقوامی مالیاتی فنڈ (آئی ایم ایف) کے پاس ریزرو فنڈ 1.6 کروڑ ڈالر بڑھ کر 4.772 ارب ڈالر اور خصوصی ڈرائنگ رائٹس 6.3 ارب ڈالر کے اضافے کے ساتھ 18.628 ارب ڈالر تک پہنچ گئے ۔

Source: uni news