کالی پوجا کی مورتی کے وسرجن کے لیے گیا تھا خاندان، خالی مکان سے نقدی سمیت 6 لاکھ روپے کے زیورات چوری
سونارپور کے سانگور علاقے میں واردات، چوروں نے 50 ہزار روپے نقد اور سونے چاندی کے زیورات پر ہاتھ صاف کیا، پولیس تحقیقات میں مصروفمغربی بنگال کے سونارپور تھانہ علاقے کے سانگور میں چوری کی ایک واردات سامنے آئی ہے۔ خاندان کے افراد محلے میں کالی پوجا کی مورتی کے وسرجن کے لیے گئے ہوئے تھے۔ اسی دوران خالی مکان میں گھس کر چور نقد رقم اور سونے چاندی کے زیورات لے کر فرار ہوگئے۔متاثرہ خاندان کے مطابق، چوری ہونے والے سامان میں 50 ہزار روپے نقد اور تقریباً 6 لاکھ روپے مالیت کے سونے اور چاندی کے زیورات شامل ہیں۔ شکایت ملنے کے بعد سونارپور تھانے کی پولیس نے تحقیقات شروع کردی ہے۔
مقامی ذرائع کے مطابق، سونارپور کے سانگور علاقے کے رہنے والے رانا سرکار مقامی کلب کی کالی پوجا کی ذمہ داری سنبھال رہے تھے۔ پوجا کمیٹی کی رقم بھی ان کے گھر میں رکھی ہوئی تھی۔ اس کے علاوہ گھر میں ان کی ذاتی رقم بھی موجود تھی۔رانا کے اہل خانہ نے بتایا کہ رات تقریباً ساڑھے 11 بجے وہ کالی پوجا کی مورتی کے وسرجن کے لیے گھر سے نکلے تھے۔ رات ڈیڑھ بجے جب وہ واپس لوٹے تو دیکھا کہ مکان کے مرکزی دروازے کا تالا ٹوٹا ہوا ہے۔
گھر کے اندر داخل ہونے پر الماریوں کا سامان بکھرا ہوا ملا۔ الماری میں رکھی 50 ہزار روپے نقد رقم، سونے کی چین، سونے کے کام والی شاخا، کانوں کی بالیاں اور دیگر سونے چاندی کے زیورات غائب تھے۔رانا کے خاندان کا الزام ہے کہ یہ چوری پہلے سے منصوبہ بندی کرکے کی گئی ہے۔سونارپور تھانے کی پولیس اس بات کی تحقیقات کر رہی ہے کہ چور گھر میں کس طرح داخل ہوئے، واردات میں کتنے افراد ملوث تھے اور کیا پہلے سے مکان کی نگرانی کی جا رہی تھی۔پولیس علاقے میں نصب سی سی ٹی وی کیمروں کی فوٹیج بھی کھنگال رہی ہے۔ فی الحال اس معاملے میں کسی کی گرفتاری نہیں ہوئی ہے۔
کالی پوجا کی مورتی کے وسرجن کے لیے گیا تھا خاندان، خالی مکان سے نقدی سمیت 6 لاکھ روپے کے زیورات چوری...
Source: Admin
