مہتا بلڈنگ میں مختلف دکانوں پر ڈرگ کنٹرول، انفورسمنٹ برانچ کی چھاپے
چند دن پہلے کا واقعہ۔ واٹگنج تھانہ علاقے میں کارروائی کر کے کوڈین فاسفیٹ والی ڈھائی ہزار کھانسی کی دوائیں برآمد کی گئی تھیں۔ ڈاکٹر کے نسخے کے بغیر ایسی دوائیں استعمال کرنا ممنوع ہے۔ واٹگنج میں بڑی مقدار میں دوائیں ذخیرہ کرنے کے ’راز کی نقاب کشائی‘ کے لیے بدھ کو بیک وقت کارروائی کی ڈرگ کنٹرول، انفورسمنٹ برانچ کے افسران نے۔ بڑا بازار کی مہتا بلڈنگ کے ساتھ ساتھ تلجلا، تپسیا علاقے میں بھی یہ کارروائی کی گئی۔
مہتا بلڈنگ کی ایم ایس لائف لائن ڈرگ پرائیویٹ لمیٹڈ میں بدھ کو سب سے پہلے چھاپہ مارا ڈرگ کنٹرول، انفورسمنٹ برانچ کے افسران نے۔ ایس ایس کے ایم، آر جی کار اور بہرام پور میڈیکل کالج میں مناسب قیمت کی دوائیوں کی دکانیں ہیں ایم ایس لائف لائن ڈرگ پرائیویٹ لمیٹڈ کی۔ ان دکانوں پر 80 فیصد سے زیادہ رعایت پر دوائیں فروخت ہوتی ہیں۔ ایم ایس لائف لائن ڈرگ کے منیجر اشوک بھومک کہتے ہیں، ”ڈرگ کنٹرول کے افسران کی تحقیقات میں ہر طرح سے تعاون کیا گیا ہے۔“
ڈرگ کنٹرول، انفورسمنٹ برانچ کی ایک اور ٹیم نے تقریباً اسی وقت مہتا بلڈنگ ہی میں ہول سیل دوائی فروخت کرنے والوں کی مزید چار دکانوں پر چھاپہ مارا۔ اس فہرست میں کے بی فارما، سی ایل دتہ اینڈ کمپنی، دیسائی اینڈ کمپنی اور پال برادرز شامل ہیں۔ ڈرگ کنٹرول کے ایڈیشنل ڈائریکٹر درجے کے افسران کی قیادت میں ڈرگ انسپکٹر سمیت انفورسمنٹ برانچ کے افسران اس کارروائی میں شامل تھے۔ انھوں نے متعدد دواو¿ں کے ذخیرے سے متعلق دستاویزات کا جائزہ لیا۔ ڈرگ کنٹرول کے افسران نے بتایا کہ بنیادی طور پر وہ تمام دوائیں جنہیں نشے کے مقصد سے استعمال کیا جاتا ہے، ان کے ذخیرے کی فہرست کا جائزہ لیا جا رہا ہے۔ اس کے ساتھ ساتھ، ذہنی بیماری کے علاج میں ڈاکٹر جو قسم کی دوائیں دیتے ہیں، ان کے ذخیرے کا بھی جائزہ لیا جا رہا ہے۔