ابھیشیک کے پی اے کے خلا ف سی آئی ڈی اور ایس ٹی ایف جانچ شروع
سپریم کورٹ کے فیصلے کے بعد ابھیشیک بنرجی کے معتمد خاص سمیت رائے کے خلاف سی آئی ڈی اور ایس ٹی ایف کی تلاشی مہم شروع ہو گئی ہے۔ اعلیٰ عدالت نے جمعرات کو شالبانی کی زمین کرپشن مقدمے میں سمیت رائے کی پیشگی ضمانت کی درخواست مسترد کر دی اور سابقہ تحفظ منسوخ کر دیا۔ چنانچہ انہیں گرفتار کر کے پوچھ گچھ کرنے کا راستہ اب کھلا ہے۔چیف جسٹس سوریا کانت، جسٹس جیومالیا باغچی اور جسٹس وی موہنا کی بنچ نے یہ فیصلہ دیا۔ سماعت میں مرکز کے سالیسٹر جنرل تشار مہتا نے الزام لگایا:سمیت رائے تحقیقات میں تعاون نہیں کر رہے اور ان کی تحویل میں پوچھ گچھ ضروری ہے۔ ایک دن میں اپنے اکاو¿نٹ میں 71 لاکھ روپے اور مختلف اوقات میں تقریباً 15 کروڑ روپے جمع کیے۔ شالبانی میں سرکاری زمین غیر قانونی طور پر فروخت کرنے کے سلسلے میں زمین کے دلالوں نے سمیت کا نام لیا۔ بینک اور پین کارڈ پر ان کے خاندانی نام کی ہجے 'ROY' اور 'RAY' مختلف ہیں، جس پر سوال اٹھے ہیں۔سمیت رائے کے وکیل گوپال شنکرنارائن نے دلیل دی کہ ان کے موکل سے 88 گھنٹے پوچھ گچھ کی گئی، لیکن ایف آئی آر میں ان کا نام نہیں اور کسی گواہ نے ان کے خلاف کچھ نہیں کہا۔ تاہم عدالت اس دلیل سے مطمئن نہیں ہوئی۔
فیصلے کے فوراً بعد سی آئی ڈی اور اسپیشل ٹاسک فورس (ایس ٹی ایف) سمیت کی تلاش میں میدان میں اتر آئی ہیں۔ افسران کے خیال میں سمیت رائے ابھیشیک بنرجی کے کالی گھاٹ والے گھر میں ہی موجود ہیں۔ اس لیے اس گھر اور سمیت کے اپنے گھر کو گھیر لیا گیا ہے۔ فرار کے تمام راستے بند کرنے کے لیے تلاشی جاری ہے۔لہٰذا، سپریم کورٹ کے فیصلے کے بعد سمیت رائے کی گرفتاری اب صرف وقت کی بات ہے۔ وکلاءکے ایک حصے کا ماننا ہے کہ تفتیش کاروں کے لیے اب کوئی قانونی رکاوٹ باقی نہیں۔