بالی ووڈ کے لیجنڈری اداکار دھرمیندر 89 برس کی عمر میں 24 نومبر کو انتقال کر گئے تھے، جس کے بعد فلم انڈسٹری کی متعدد شخصیات نے ان کی موت کو ایک دور کا اختتام قرار دیتے ہوئے تعزیت کا اظہار کیا ہے۔ بھارتی میڈیا کے مطابق آنجہانی دھرمیندر کے صاحبزادوں سنی دیول اور بوبی دیول نے اپنے والد کے لیے دعائیہ تقریب کا اہتمام کیا۔ سینئر اداکار شتروگھن سنہا نے دھرمیندر سے اپنے گہرے تعلقات کے باعث ان کی ممبئی میں واقع رہائش گاہ گئے، اور سوگوار خاندان سے ملاقات کی۔ اس حوالے سے شتروگھن سنہا نے اپنے سوشل میڈیا اکاؤنٹ ایکس پر دھرمیندر، ان کے بیٹوں سنی دیول اور بوبی دیول کے ساتھ تصاویر شیئر کرتے ہوئے جذباتی پیغام لکھا ہے کہ دہلی سے واپسی پر میں ایک بہت ہی سوگوار دل کے ساتھ اپنے سب سے پیارے خاندانی دوست، اپنے بڑے بھائی دھرمیندر کے گھر گیا، یہ ملاقات دل کو چھو لینے والی تھی اور میں ان کے شاندار بیٹوں سنی دیول اور بوبی دیول، بوبی کی اہلیہ تانیا، ان کے خوبصورت بیٹوں دھرم اور خاص طور پر آریامن سے ملا۔ انہوں نے لکھا کہ ہم نے دھرم جی کو ایک غیر معمولی اور قابلِ ذکر شخص کے طور پر یاد کیا، جنہوں نے بہت سی زندگیوں کو متاثر کیا اور وہ ہمیشہ زندہ رہیں گے۔ شتروگھن نے غم کے اس وقت میں دھرمیندر کے اہل خانہ کے لیے سکون کی دعا بھی کی۔ دھرمیندر کی موت کے بعد ان کی اہلیہ ہیما مالنی نے بھی اپنے شوہر کو جذباتی خراجِ تحسین پیش کرتے ہوئے ایکس پر لکھا تھا کہ دھرم جی میرے لیے بہت کچھ تھے، محبت کرنے والے شوہر، ہماری 2 بیٹیوں ایشا اور آہانہ کے پیارے والد، دوست، فلسفی، رہنما، ضرورت کے ہر وقت میرا سہارا، حقیقت میں وہ میرے لیے سب کچھ تھے۔ واضح رہے کہ دھرمیندر کی آخری فلم ’اکیس‘ ہو گی، جس میں وہ اگستیا نندا کے ساتھ اسکرین پر نظر آئیں گے۔
Source: social media
دوران حج ایسا کیا ہوا تھا کہ محمد رفیع نے گلوکاری چھوڑ دی؟ بیٹے نے بتادیا
شاہ رخ اور سلمان کو بڑا اسٹار اور ان کے مقابلے میں خود ویٹر سمجھتا ہوں، عامر خان
’ادے پورفائلز‘ کے بعد لوجہاد، مبینہ اسلامی دہشت گردی اور مذہب تبدیلی پر مبنی امت جانی کی نئی فلم ’عائشہ‘ کا پوسٹر ریلیز
میرے خاندان نے کبھی بھی بیف نہیں کھایا، سلیم خان
رانیا راؤ پر سونے کی اسمگلنگ کے کیس میں 102 کروڑ روپے جرمانہ عائد
کیکو شاردا نے کرشنا ابھیشیک سے بحث کے بعد کپل شرما شو چھوڑ دیا؟
دوران حج ایسا کیا ہوا تھا کہ محمد رفیع نے گلوکاری چھوڑ دی؟ بیٹے نے بتادیا
شاہ رخ اور سلمان کو بڑا اسٹار اور ان کے مقابلے میں خود ویٹر سمجھتا ہوں، عامر خان
’ادے پورفائلز‘ کے بعد لوجہاد، مبینہ اسلامی دہشت گردی اور مذہب تبدیلی پر مبنی امت جانی کی نئی فلم ’عائشہ‘ کا پوسٹر ریلیز
میرے خاندان نے کبھی بھی بیف نہیں کھایا، سلیم خان
رانیا راؤ پر سونے کی اسمگلنگ کے کیس میں 102 کروڑ روپے جرمانہ عائد
کیکو شاردا نے کرشنا ابھیشیک سے بحث کے بعد کپل شرما شو چھوڑ دیا؟
فلم دنگل کی اداکارہ زائرہ وسیم کا نکاح، تصاویر شیئر کردیں
بغیر شور شرابہ کے دھرمیندر کی آخری رسومات ادا، صرف اہل خانہ اور بالی ووڈ ہستیاں رہیں موجود