دہلی سے بھی زیادہ گرم ہو سکتا ہے دارجلنگ، لینڈ سلائیڈنگ بھی بڑھے گی
آنے والی دہائیوں میں دارجیلنگ پہاڑ دہلی سے بھی زیادہ گرم ہو سکتا ہے۔ اس کے ساتھ ساتھ شدید بارش کے واقعات بڑھنے سے شہر اور آس پاس کے علاقوں میں لینڈ سلائیڈنگ کا خطرہ بھی بڑھ سکتا ہے۔ حفاظت کی ضرورت کے تحت ابھی سے دارجیلنگ شہر میں تعمیراتی کاموں کے بارے میں محتاط رہنا ہوگا۔ اقوام متحدہ کے موسمیاتی امور سے متعلق سائنسی جائزہ ادارے 'انٹر گورنمنٹل پینل آن کلائمیٹ چینج' (آئی پی سی سی) کی یہی وارننگ ہے۔
ادارے کی چھٹی تشخیصی رپورٹ میں دارجیلنگ پہاڑوں پر موسمیاتی تبدیلی کے اثرات کے موضوع کو اجاگر کیا گیا ہے۔ وہیں یہ بتایا گیا ہے کہ آنے والی دہائیوں میں خوشگوار موسم بدل کر شہر پہاڑ دہلی سے بھی زیادہ گرم ہو سکتا ہے۔ آئی پی سی سی کی موسمی پیش گوئی کے مطابق1200 تک دارجیلنگ کا اوسط درجہ حرارت 5.4 ڈگری سیلسیس تک بڑھ سکتا ہے۔ اس کا مطلب ہے کہ میدانی علاقوں کے دہلی جیسے بڑے شہروں کے مقابلے دارجیلنگ تیزی سے گرم ہو رہا ہے۔ درجہ حرارت بڑھنے سے پہلے ہی پہاڑی ماحولیاتی نظام بدلنا شروع ہو گیا ہے۔ پہاڑی پودوں میں قبل از وقت فینولوجیکل ردعمل دیکھنے کو ملنے لگا ہے۔ مثلاً، مقامی حلقوں میں لالی گورانس کے نام سے مشہور روڈوڈینڈرن بے وقت کھل رہا ہے۔ اس کے ساتھ ہی اچانک شدید بارش کے واقعات بڑھنے سے شہر اور اس کے آس پاس کے علاقوں میں لینڈ سلائیڈنگ کا خطرہ بڑھ گیا ہے۔