کمہار ٹولی کے مورتی کار بنگلہ دیش جانا نیہں چاہتے
کمارٹولی کے فنکاروں کی فنکاری کی شہرت عالمگیر ہے۔ یہاں کے مٹی کے فنکاروں کی بنائی ہوئی مورتیاں ملک و بیرون ملک پوجی جاتی ہیں۔ بہت سے فنکار لندن، امریکہ، دبئی جیسے ممالک جا کر مورتیاں سجا کر آتے ہیں۔ پڑوسی ملک بنگلہ دیش میں شمالی کلکتہ کے کمارٹولی کے فنکاروں کی قدر کی جاتی ہے۔ کوملہ، کھلنا، جیسور میں درگا پوجا کی مورتیاں بنانے کے لیے کمارٹولی سے فنکاروں کو لے جایا جاتا تھا۔ وہاں ان کی بہت خاطر تواضع کی جاتی تھی۔ لیکن حسینہ حکومت کے خاتمے کے بعد بھارت اور بنگلہ دیش کے تعلقات میں دراڑ آ گئی۔ کمارٹولی کے فنکاروں کا بھی مشرقی بنگال جانے کا راستہ بند ہو گیا۔ بی این پی حکومت کے آنے کے بعد صورتحال کچھ تبدیل ہوئی ہے۔ بھارتی حکومت نے دوبارہ بنگلہ دیشیوں کے لیے ویزا جاری کر دیا ہے۔ لیکن اس کے باوجود خوف ختم نہیں ہوا۔ اس سال بھی پٹوا پاڑہ کے مٹی کے فنکار مشرقی بنگال جانے کو تیار نہیں ہیں۔