بی جے پی نے غزہ پٹی معاملے پر سونیا گاندھی کی تنقید کی

نئی دہلی، 27 جون : غزہ پٹی کے معاملے پر مودی حکومت پر نکتہ چینی کرنے پر بھارتیہ جنتا پارٹی (بی جے پی) نے کانگریس کی سابق صدر سونیا گاندھی پر سخت تنقید کی ہے اور ان پر انتہا پسند ووٹوں کی تجارت کرنے کا الزام لگایا ہے ۔ بی جے پی کے قومی ترجمان سدھانشو ترویدی نے محترمہ گاندھی پر حملہ کرتے ہوئے ہفتہ کو سوشل میڈیا 'ایکس' پر کہا کہ انڈیا اتحاد کے آج غیر متعلقہ ہونے کے دہانے پر پہنچنے کے بعد، اب متحدہ ترقی پسند اتحاد (یو پی اے ) کی پہلی اور آخری صدر سونیا گاندھی جی نے ایک بار پھر انتہا پسند ووٹوں کی تجارت پر اپنی توجہ مرکوز کی ہے اور غزہ کے لیے دکھ کا اظہار کیا ہے ۔ انہوں نے کہا کہ غزہ کے لیے دکھ کا اظہار کر کے محترمہ گاندھی کا ماننا ہے کہ وہ کسی طرح اقتدار سے باہر ہونے کے صدمے کو کم کریں گی یا وزیر اعظم نریندر مودی کے اثر و رسوخ کو کم کریں گی، لیکن یہ ان کی غلط فہمی ہے ۔ انہوں نے کہا کہ جب خود ایران نے ذاتی طور پر مسٹر مودی کو مدعو کیا ہے ، تو اب ایران کے ساتھ اچھے تعلقات کا اس سے بہتر ثبوت کیا ہو سکتا ہے ۔ بی جے پی کے ترجمان نے کہا کہ جو لوگ بنگلہ دیش اور پاکستان میں ہندو¶ں کے قتل عام پر بولنے کو اپنی توہین سمجھتے ہیں، وہ اب غزہ پر بہت دکھی ہو رہے ہیں۔ انہوں نے کہا کہ ملک جاننا چاہتا ہے اور کانگریس کو واضح کرنا چاہیے کہ اکتوبر 2023 کے قتل عام پر خاموشی اختیار کر کے ، پھر بھی غزہ پر ہنگامہ کر کے کیا کانگریس اس تحریر کے ذریعے بالواسطہ طور پر حزب اللہ اور حماس جیسی دہشت گرد تنظیموں کو کور فائر فراہم کر رہی ہے ۔

Source: UNI NEWS