بگھیل کے بیٹے چیتنیہ بگھیل کی درخواست ضمانت خارج

رائے پور، 27 اکتوبر: سابق وزیر اعلیٰ اور کانگریس جنرل سکریٹری بھوپیش بگھیل کے بیٹے چیتنیہ بگھیل کو چھتیس گڑھ کی سرخریوں میں رہنے والے شراب گھوٹالہ کیس میں انفورسمنٹ ڈائریکٹوریٹ (ای ڈی) کی خصوصی عدالت سے بڑا جھٹکا لگا ہے ۔ عدالت نے ان کی ضمانت کی درخواست خارج کردی ہے ، جس کے بعد انہیں اب جیل میں رہنا پڑے گا۔ اطلاعات کے مطابق، عدالت نے جمعہ کے روز سماعت مکمل ہونے کے بعد چیتنیہ بگھیل کی درخواست ضمانت پر اپنا فیصلہ محفوظ رکھ لیا تھا، اور پیر کے روز یہ فیصلہ سنایا گیا۔ اس سے پہلے ، 15 اکتوبر کو، اے سی بی-ای او ڈبلیو کی ٹیم نے انہیں ریمانڈ کی مدت ختم ہونے کے بعد ویڈیو کانفرنسنگ کے ذریعے خصوصی عدالت میں پیش کیا۔ اس وقت عدالت نے انہیں 14 روزہ جوڈیشل ریمانڈ پر جیل بھیجنے کا حکم دیا تھا۔ چیتنیہ بگھیل 29 اکتوبر تک عدالتی تحویل میں جیل میں رہیں گے ۔ اطلاعات کے مطابق، عدالت نے جمعہ کے روز سماعت مکمل ہونے کے بعد چیتنیہ کی ضمانت کی درخواست پر اپنا فیصلہ محفوظ رکھ لیا تھا۔ آج عدالت نے ان کی ضمانت کی درخواست خارج کرنے کا فیصلہ سنایا۔ واضح رہے کہ ای ڈی نے چیتنیہ بگھیل کو 18 جولائی کو ان کی سالگرہ کے موقع پر بھیلائی میں واقع ان کی رہائش گاہ سے گرفتار کیا تھا۔ انہیں منی لانڈرنگ کی روک تھام ایکٹ (پی ایم ایل اے ) 2006 کے تحت حراست میں لیا گیا تھا۔

Source: uni news