Article | Akhbar-e-mashriq

National

بھارتی نزاد امریکیوں نے بائیڈن اور ٹرمپ سے بنگلہ دیش معاملے میں مداخلت کرنے کی اپیل کی

ایک بااثر ہندوستانی امریکی تنظیم نے امریکی صدر جو بائیڈن اور نومنتخب صدر ڈونلڈ ٹرمپ پر زور دیا ہے کہ وہ بنگلہ دیش کی حکومت سے ملک میں اقلیتی ہندو برادری کو تحفظ فراہم کرنے کا مطالبہ کریں۔بائیڈن اور ٹرمپ کو الگ الگ خطوط میں، فاونڈیشن فار انڈیا اینڈ انڈین ڈائیسپورا اسٹڈیز (FIIDS) نے بدھ (27 نومبر 2024) کو بنگلہ دیش میں مذہبی اقلیتوں کے خلاف بڑھتی ہوئی انسانی حقوق کی خلاف ورزیوں اور ہندو روحانی پیشوا چنموئے کی حالیہ گرفتاری پر گہری تشویش کا اظہار کیا۔ ایف آئی آئی ڈی ایس کے مطابق، 5 اگست کو شیخ حسینہ کی عوامی لیگ کی حکومت کے خاتمے کے بعد سے بنگلہ دیش کے اقلیتی ہندووں کو 200 سے زیادہ حملوں کا سامنا کرنا پڑا ہے، جن میں ان کے مندروں پر حملے بھی شامل ہیں۔داس کو پیر کے روز بغاوت کے ایک مقدمے میں گرفتار کیا گیا تھا اور بعد میں ایک عدالت سے ضمانت مسترد کر دی گئی تھی، جس سے دارالحکومت ڈھاکہ اور بندرگاہی شہر چٹوگرام سمیت مختلف مقامات پر کمیونٹی کے افراد نے احتجاج شروع کر دیا تھا۔

Source: Social Media