ممبئی، 16 فروری: انڈین پریمیئر لیگ (آئی پی ایل) 2025 کا آغاز 22 مارچ کو ایڈن گارڈنز میں دفاعی چیمپئن کولکتہ نائٹ رائیڈرز (کے کے آر) اور رائل چیلنجرز بنگلور (آر سی بی) کے درمیان میچ سے ہوگا۔ 29 مارچ کو دہلی کے ارون جیٹلی اسٹیڈیم میں دہلی کیپٹلس اور ممبئی انڈینز کے درمیان میچ کھیلا جائے گا۔ بورڈ آف کنٹرول فار کرکٹ ان انڈیا (بی سی سی آئی) نے اتوار کو آئی پی ایل کے 18ویں ایڈیشن کا شیڈول جاری کر دیا۔ بی سی سی آئی کے مطابق آئی پی ایل کے اس سیزن میں 13 مقامات پر کل 74 میچ کھیلے جائیں گے۔ لیگ کل 65 دن تک چلے گی۔ پورے سیزن میں 12 ڈبل ہیڈرز کھیلے جائیں گے۔ دوسرا کوالیفائر 23 مئی کو اور فائنل 25 مئی کو کولکتہ میں ہوگا۔ پہلا کوالیفائر اور ایلیمینیٹر 20 اور 21 مئی کو حیدرآباد میں کھیلا جائے گا۔ ڈبل ہیڈر 23 مارچ کو کھیلا جائے گا۔ جہاں سن رائزرز حیدرآباد (ایس آر ایچ) راجستھان رائلز (آر آر) اور چنئی سپر کنگز (سی ایس کے) ممبئی انڈینز (ایم آئی) کی میزبانی کرے گا۔ دوپہر کے میچ 3.30 بجے اور شام کے میچ 7.30 بجے شروع ہوں گے۔ لیگ مرحلے کے اختتام کے بعد پلے آف حیدرآباد اور کولکتہ میں ہوگا۔ گوہاٹی آر آر کے لیے دوسرا ہوم گراؤنڈ ہوگا، ڈی سی کے لیے وشاکھاپٹنم اور پنجاب کنگز (پی بی کے ایس) کے لیے دھرم شالہ۔ گوہاٹی اور وشاکھاپٹنم دو دو میچوں کی میزبانی کریں گے جبکہ دھرم شالہ تین میچوں کی میزبانی کرے گا۔ اس بار ڈی سی، ایم آئی اور ایچ ایس جی اس گراؤنڈ پر پنجاب کے خلاف میچ کھیلیں گے۔ یہ میچز 4 سے 11 مئی کے درمیان کھیلے جائیں گے۔ اس بار کے کے آر، آر سی بی، آر آر، سی ایس کے اور پی بی کے ایس کو ایک گروپ میں رکھا گیا ہے جبکہ ایس آر ایچ، ڈی سی، جی ٹی، ایم آئی اور ایل ایس جی کو ایک گروپ میں رکھا گیا ہے۔

Source: uni news