ایل پی جی کے بعد پیٹرول بھی مہنگا ! نوئیڈا میں فی لیٹر 42 پیسے کا اضافہ

آبنائے ہرمز پر امریکہ اور ایران کے بیچ ٹھنی ہوئی ہے۔ دنیا کا 20 فیصد سے زیادہ تیل اسی راستے سے گزرتا ہے۔ یہ آبی گزرگاہ بھارت کے لیے بھی اہم ہے لیکن گزشتہ دو ماہ سے اس کی بندش نے خام تیل کی سپلائی کو متاثر کیا ہے۔ یہ اثر سرکاری تیل کمپنیوں کی جانب سے جمعہ کی صبح جاری کردہ پٹرول اور ڈیزل کی قیمتوں میں بھی ظاہر ہوتا ہے۔ آج (جمعہ ، یکم مئی)کمرشیل ایل پی جی سلنڈر کی قیمتوں میں اضافے کے بعد تیل کمپنیوں نے بھی کئی شہروں میں پٹرول اور ڈیزل کے ریٹیل ریٹ میں اضافہ کر دیا ہے۔ نوئیڈا میں قیمت میں 42 پیسے فی لیٹر کا اضافہ ہوا ہے۔ گڈ ریٹرن کے مطابق، غازی آباد میں پٹرول 31 پیسے سستا ہو کر 94.58 روپے فی لیٹر ہو گیا ہے، جب کہ ڈیزل 36 پیسے کم ہو کر 87.67 روپے فی لیٹر ہو گیا ہے۔ نوئیڈا میں پٹرول 42 پیسے مہنگا ہو کر 95.16 روپے فی لیٹر ہو گیا ہے، جب کہ ڈیزل 50 پیسے مہنگا ہو کر 88.31 روپے فی لیٹر ہو گیا ہے۔ این سی آر کے ایک اور شہر گروگرام میں پٹرول 9 پیسے سستا ہو کر 95.48 روپے فی لیٹر ہو گیا ہے، جب کہ ڈیزل 9 پیسے کی کمی کے بعد 87.94 روپے فی لیٹر پر فروخت ہو رہا ہے۔ گزشتہ 24 گھنٹوں کے دوران خام تیل کی قیمتوں میں نمایاں کمی دیکھی گئی ہے۔ برینٹ خام تیل کی قیمت تیزی سے گر کر 111.16 ڈالر فی بیرل پر آگئی ہے۔ ڈبلیو ٹی آئی کی قیمتوں میں بھی کمی آئی ہے اور اب عالمی مارکیٹ میں 105.70 ڈالر فی بیرل پر ٹریڈ ہو رہی ہے۔ چاروں میٹرو میں پٹرول اور ڈیزل کی قیمتیں دہلی میں پٹرول 94.72 روپے اور ڈیزل 87.62 روپے فی لیٹر ممبئی میں پٹرول 103.44 روپے اور ڈیزل 89.97 روپے فی لیٹر چنئی میں پٹرول 100.76 روپے اور ڈیزل 92.35 روپے فی لیٹر کولکاتا میں پیٹرول104.95 روپئے اور ڈیزل 91.76 فی لیٹر

Source: social media