ایک فیس بک پوسٹ نے نوح گاوں میں ہنگامہ برپا کر دیا، پتھراو میں سات افراد زخمی

نوح، 29 مئی: ہریانہ کے نوح ضلع کے نئی گا¶ں میں جمعہ کو فیس بک پوسٹ پر دو گروپوں کے درمیان جھگڑا پرتشدد تصادم میں بدل گیا۔ زبانی تکرار ہوئی جس کے بعد چھتوں سے پتھرا¶ کیا گیا۔ واقعے میں دو خواتین سمیت سات افراد زخمی ہوگئے ۔ گا¶ں والوں کے مطابق ریشم اور مگرو گروپوں میں گزشتہ تین دنوں سے ایک سوشل میڈیا پوسٹ پر جھگڑا چل رہا تھا۔ جمعہ کی صبح دونوں گروپوں کے نوجوان آپس میں آمنے سامنے ہو گئے جس کی وجہ سے تصادم ہوا۔ حملے میں ایک خاتون کے سر پر شدید چوٹ آئی جب کہ دوسری زخمی کو بازو¶ں اور ٹانگوں پر چوٹیں آئیں۔ واقعہ کے بعد گا¶ں میں خوف و ہراس پھیل گیا۔ خواتین اور بچے خوف کے مارے گھروں میں چھپ گئے ۔ گا¶ں کے سرپنچ منان نے بتایا کہ دونوں گروپوں میں ابتدائی طور پر کہا سنی ہوئی، اس کے بعد چھتوں سے پتھرا¶ ہوا۔ پتھرا¶ میں متعدد افراد شدید زخمی ہوگئے ۔ اطلاع ملنے پر تھانہ بچھوڑ کی پولیس جائے وقوعہ پر پہنچی اور حالات کو قابو میں کیا۔ کشیدگی کے پیش نظر گا¶ں میں پولیس کی اضافی نفری تعینات کر دی گئی ہے ۔ زخمیوں کو علاج کے لیے قریبی اسپتالوں میں داخل کرایا گیا ہے ۔ بچھور پولیس اسٹیشن کے انچارج سکھ بیر نے بتایا کہ گا¶ں میں حالات فی الحال قابو میں ہیں۔ پولیس کو شکایت موصول ہوئی ہے اور معاملے کی جانچ کر کے مزید کارروائی کر رہی ہے ۔

Source: UNI NEWS