ایک بیوی کے دو دو شوہر، دونوں ہی انجان، پھر جب ہوا آمنا سامنا تو ہوا کچھ ایسا... سبھی رہ گئے دنگ

اتر پردیش کے اُناؤ سے ایک نہایت عجیب و غریب اور حیران کن معاملہ سامنے آیا ہے۔ یہاں ایک لڑکی کو دو شخص اپنی بیوی بتا رہا ہے ۔ اسی بات کو لے کر دو کے درمیان تنازعہ اس حد تک بڑھ گیا کہ معاملہ پرتشدد حملے تک جا پہنچا۔ اس واقعے میں ایک نوجوان شدید طور پر زخمی ہو گیا، جسے علاج کے لیے اسپتال میں داخل کرایا گیا ہے۔ پولیس پورے معاملے کی جانچ پڑتال میں مصروف ہے۔ یہ معاملہ بانگرمئو کوتوالی علاقے کا ہے۔ یہاں لڑکی کے گھر انکش نام کا ایک نوجوان پہنچا۔ اسی دوران وہاں موجود دوسرے نوجوان راجو سے اس کی بحث شروع ہو گئی۔ پہلے دونوں کے درمیان زبانی تکرار ہوئی، جو کچھ ہی دیر میں مارپیٹ میں بدل گئی۔ الزام ہے کہ اسی دوران انکش نے غصے میں آ کر راجو کی گردن پر بلیڈ سے حملہ کر دیا، جس سے وہ شدید زخمی ہو گیا۔ واقعے کے بعد موقع پر افراتفری مچ گئی اور مقامی لوگوں نے پولیس کو اطلاع دی۔ اشتہار زخمی نوجوان کو فوری طور پر بانگرمئو کمیونٹی ہیلتھ سینٹر لے جایا گیا، جہاں ابتدائی علاج کے بعد ڈاکٹروں نے اس کی حالت نازک دیکھتے ہوئے ضلع اسپتال اُناؤ منتقل کر دیا۔ فی الحال نوجوان کا علاج جاری ہے اور ڈاکٹروں کی نگرانی میں ہے۔ اس معاملے کی سب سے چونکا دینے والی بات یہ ہے کہ زخمی نوجوان کا دعویٰ ہے کہ لڑکی اس کی بیوی ہے۔ اس کا کہنا ہے کہ وہ اپنی بیوی سے ملنے اس کے گھر گیا تھا، جہاں اس پر حملہ کیا گیا۔ دوسری جانب زخمی نوجوان کے دوست راجو کا بھی یہی دعویٰ ہے کہ لڑکی اس کی بیوی ہے اور انکش بلاوجہ درمیان میں مداخلت کر رہا ہے۔ دونوں نوجوانوں کے دعووں نے اس معاملے کو ایک بیوی، دو شوہروں جیسا بنا دیا ہے۔ واقعے کی اطلاع ملتے ہی بانگرمئو کوتوالی پولیس موقع پر پہنچ گئی اور معاملے کی تفتیش شروع کر دی۔ پولیس نے لڑکی سے بھی پوچھ گچھ کی ہے اور دونوں نوجوانوں کے دعووں کی سچائی جانچنے کی کوشش کی جا رہی ہے۔ پولیس یہ بھی معلوم کر رہی ہے کہ لڑکی کی ازدواجی حیثیت کیا ہے اور دونوں میں سے کس کے ساتھ اس کا قانونی رشتہ ہے۔ کوتوالی انچارج کے مطابق معاملے کے تمام پہلوؤں کی سنجیدگی سے جانچ کی جا رہی ہے۔ زخمی نوجوان کے بیان اور میڈیکل رپورٹ کی بنیاد پر آگے کی قانونی کارروائی کی جائے گی۔

Source: social media