اسرائیل نے سویدا میں شامی فوج کو داخلے کی اجازت دیدی

اسرائیل نے اگلے 48 گھنٹوں کے لیے شامی افواج کو سویدا کے علاقے میں داخل ہونے کی اجازت دے دی۔ الجزیرہ کے مطابق ایک نامعلوم اسرائیلی اہلکار نے بتایا ہے کہ اسرائیل نے جنوب مغربی شام میں جاری عدم استحکام کی وجہ سے "اگلے 48 گھنٹوں کے لیے [شام کی] داخلی سیکورٹی فورسز کو ضلع سویدا میں محدود داخلے کی اجازت دینے پر رضامندی ظاہر کی ہے۔ یہ اسرائیلی وزیر اعظم بینجمن نیتن یاہو کے جاری بیان ایک دن بعد سامنے آیا ہے جس میں کہا گیا تھا کہ اسرائیل کی آگے کی پالیسی یہ ہوگی کہ "شام کی فوج کو دمشق کے جنوب میں داخل ہونے کی اجازت نہیں دی جائے گی”۔ اس ہفتے کے شروع میں اسرائیل نے سویدا اور دارالحکومت دمشق پر فضائی حملے کیے، جہاں اس نے وزارت دفاع اور صدارتی محل کے قریب کے علاقوں کو نشانہ بنایا۔ اسرائیلی حکام کا کہنا ہے کہ انہوں نے دروز کمیونٹی کے تحفظ کے لیے مداخلت کی اور اس بات کو یقینی بنانے کے لیے کہ جنوبی علاقے کو غیر عسکری طور پر ختم کر دیا جائے جب کہ پیر کے روز دروز کے جنگجوؤں اور بدوئین قبائل کے درمیان لڑائی شروع ہو گئی۔ شام کے صوبے سویدا میں جھڑپیں شدت اختیار کر گئیں۔ کئی روز سے جاری خونریزی میں 321 افراد ہلاک اور 570 سے زائد زخمی ہو گئے۔ انسانی حقوق نگراں ادارہ کے مطابق ہلاک افراد میں بچے، خواتین اور طبی عملہ شامل ہے تاہم الجزیرہ ٹی وی کا کہنا ہے کہ شامی حکومت نے ہلاکتوں کی مجموعی تعدادکی تصدیق نہیں کی، سویدا میں کشیدگی کے بعد اسرائیلی بمباری نے صورتحال مزید بگاڑ دی۔ سویدا میں ہلاک افراد میں سرکاری فورسز، دروز اور بدو جنگجو بھی شامل ہیں۔

Source: social media