فلسطینی مزاحمتی تنظیم حماس کا کہنا ہے کہ اسرائیل نے غزہ پر بمباری کرکے اپنے ہی 7 قیدیوں کو ہلاک کر دیا۔ حماس کے مطابق ان قیدیوں کی ہلاکت کا اعلان چند ہفتوں سے جاری تحقیقات کے بعد کیا گیا ہے۔ دوسری جانب غزہ پر جاری اسرائیلی بمباری میں مزیدشدت آگئی ہے، خوفناک بمباری میں مزید درجنوں فلسطینی شہید ہوگئے۔ عالمی ادارہ صحت (ڈبلیو ایچ او ) کا کہنا ہے کہ غزہ پر جاری بے رحمانہ بمباری کے دوران بھوک وپیاس کے شکار فلسطینی خوراک اور پانی کے حصول کیلئے اپنی جانیں خطروں میں ڈال رہے ہیں۔ جنوبی افریقا، برازیل اور فلسطینی وزارت خارجہ نے غزہ میں امداد کے منتظر فلسطینیوں پر اسرائیلی فوج کے حملے کی شدید مذمت کی ہے جبکہ بھارت نے واقعے پر افسوس کا اظہار کیا ہے۔ جنوبی افریقا نے حملے کو عالمی عدالت انصاف کے احکامات کی کھلی خلاف ورزی قرار دیا ہے جبکہ فلسطینی وزارت خارجہ نے امدا د کے متلاشی فلسطینیوں پر حملہ کرنے پر اسرائیل کیخلاف عالمی پابندیوں کا مطالبہ کیا ہے۔ بھارت نے شمالی غزہ میں امداد کیلئے جمع فلسطینیوں کے قتل پر افسوس کااظہار کیا ہے جبکہ امریکی صدر اس حوالے سے صحافی کے سوال کا جواب گول کر گئے اور کہا کہ امریکا فضا سے غذا پھینکے گا۔ برازیل نے 100سے زائد فلسطینی امداد کے متلاشیوں کی شہادت کی مذمت کی ہے اور کہا ہے کہ اسرائیل کی فوجی کارروائی کی کوئی "اخلاقی یا قانونی حد" نہیں ہے۔ اسرائیل کی مقامی نیوز سائٹ نے ایک سینئر اسرائیلی اہلکار کے حوالے سے رپورٹ کیا ہے کہاسرائیل نے ثالث ممالک مصر اور قطر سے کہا ہے کہ وہ اس وقت تک جنگ بندی کے مذاکرات کو آگے نہیں بڑھائے گا جب تک کہ حماس اسے غزہ میں زندہ رہنے والے اسرائیلی قیدیوں کی فہرست نہیں بھیجتی۔ ادھر اسرائیلی فوجی ٹینکوں نے دیر البلاح کے مشرقی علاقے میں واقع القسطل ٹاور پر حملہ کیا جہاں فلسطینیوں کی بڑی تعداد نے پناہ لے رکھی ہے۔
Source: social media
غزہ: جنریٹر کے دھویں سے اسرائیلی فوجی ہلاک ہوگیا
اردن انتخابات کے انعقاد کی تیاری کے لیے پارلیمنٹ تحلیل
اسرائیلی فوج کے غزہ پر حملے تیز، 30 فلسطینی شہید
شمالی کوریا نے ایک بار پھر کچرے سے بھرے تھیلے غباروں سے باندھ کر جنوبی کوریا میں گرا دیے
کملا ہیرس نے نیتن یاہو کے خلاف احتجاج کے دوران امریکی پرچم جلانے کی مذمت کر دی
افغانستان : تانبے کے زیر زمین ذخائر نکالنے کے منصوبے کی تیاری،علاقے میں سڑک کی تعمیر
امریکی صدارتی انتخابات: اوباما نے کملا ہیرس کی حمایت کا اعلان کر دیا
افغانستان : تانبے کے زیر زمین ذخائر نکالنے کے منصوبے کی تیاری،علاقے میں سڑک کی تعمیر
مراکش میں گرمی کی شدید لہر ، 24 گھنٹوں کے دوران 20 سے زائد ہلاک
دنیا کا سب سے خطرناک اور طاقتور ڈرگ مافیا سرغنہ امریکا سے گرفتار
جنوبی افریقا کی تاریخ میں پہلی بار خاتون چیف جسٹس مقرر
اسرائیلی فوج کی خان یونس میں بمباری، فلسطینی قبرستان میں پناہ لینے پر مجبور
کینیڈا کے جنگلات میں لگنے والی آگ نے تاریخی قصبے کے آدھے علاقے کو جلادیا
غزہ میں فلسطینیوں کے مصائب پر خاموش نہیں رہوں گی: ہیرس کا یاہو کو انتباہ