'دھواں دیکھتے ہی چھت پر چڑھ گئے'، بچ جانے والے تین بنگلہ دیشیوں کی آنکھوں میں خوف
اس وقت رات کے2 بجے بھی نہیں ہوئے تھے۔ وہ سو رہے تھے۔ پاس کی چارپائی پر ان کے بھائی تھے۔ اچانک چیخ و پکار سے نیند ٹوٹ گئی۔ کھڑکی کھول کر دیکھا تو نیچے سے سب لوگ چیخ رہے تھے، "آگ لگ گئی ہے۔" یہ سنتے ہی وہ اپنے بھائی کو لے کر باہر جانے کی کوشش کرنے لگے۔ لیکن دروازہ کھولتے ہی کمرے میں گاڑھا دھواں داخل ہو گیا۔ اس کے باوجود کسی طرح وہ چھت پر چڑھ گئے۔ فائر بریگیڈ کے آنے تک وہ وہیں رہے۔ بنگلہ دیش کے ڈھاکہ کے رہائشی محمد آصف الجمال اور ان کے بھائی، اور بھی بہت سے لوگ وہاں موجود تھے۔ آگ کے بعد نیو مارکیٹ کے ہوٹل سے نکل کر رہائشی اپنے خوفناک تجربات سنا رہے ہیں۔
جمال ہفتہ سے مرزا غالیب سٹریٹ کی اس عمارت کی چوتھی منزل پر ٹھہرے ہوئے تھے۔ کاروباری سلسلے میں کلکتہ آئے تھے۔ ان کے ساتھ ان کے بھائی بھی ہیں۔ مکند پور کے ایک ہسپتال میں ان کا علاج چل رہا تھا۔ منگل کو کھانا کھانے کے بعد وہ سونے گئے۔ انہیں اندازہ نہیں تھا کہ چند گھنٹے بعد انہیں کیسا تجربہ ہونے والا ہے۔ ڈھاکہ کے گازی پور کے رہائشی آصف نے بتایا، "ہم نیچے نہیں اتر سکتے تھے۔ کسی طرح دھوئیں کے درمیان سے اس منزل کے سب لوگ چھت پر چڑھ گئے۔ ہم 20,سے 25فراد تھے۔ سب پانی کے ٹینک کے پاس چلے گئے۔ ہمیں سمجھ نہیں آ رہا تھا کہ آگ کس سمت سے آ سکتی ہے۔ تاہم ہم نے طے کر لیا تھا کہ جیسے ہی آگ کی شعلے نظر آئیں گے، ٹینک سے پانی لے کر بجھانے کی کوشش کریں گے۔
یہی تجربہ ڈھاکہ کے ایک اور رہائشی محمد نجم الاسلام کا بھی ہے۔ دل کے مرض کے علاج کروانے کے لیے وہ کلکتہ آئے تھے۔ وہ چوتھی منزل کے اس ہوٹل میں تھے۔ ان کا کہنا تھا، "ایک وقت ایسا آیا جب مجھے لگا کہ اب مر ہی جاو¿ں گا۔ آکسیجن کی شدید کمی تھی۔ سانس نہیں لے پا رہا تھا۔" رات کے اس تجربے کو بیان کرتے ہوئے بار بار ان کا گلا رندھ گیا۔

Source: Admin