وزیراعلیٰ کا اعلانوزیراعلیٰ شوبھیندو ادھیکاری نے اعلان کیا کہ وزیراعظم نریندر مودی کی سالگرہ کے موقع پر اناپورنا یوجنا کے اگست مہینے کی رقم مستحقین کے بینک اکاو¿نٹ میں ڈالی جائے گی۔ یعنی 17 ستمبر کو اناپورنا یوجنا کے 3000 روپے مستحقین کو ملیں گے۔ وزیراعلیٰ نے بتایا کہ 1 کروڑ 48 لاکھ خواتین کو یہ رقم دی جائے گی۔ نیز نومبر-دسمبر میں اناپورنا یوجنا اور حکومت کے دیگر تمام فلاحی منصوبوں میں درخواست دینے کا موقع ملے گا۔ریاستی حکومت بزرگوں، بیواو¿ں اور خصوصی طور پر قابل افراد کو وظیفہ دیتی ہے۔ پہلے یہ وظیفہ ایک ہزار روپے تھا۔ اقتدار کی تبدیلی کے بعد شوبھیندو کی حکومت نے اس وظیفے کی رقم بڑھا کر ڈیڑھ ہزار روپے کر دی ہے۔ پیر کو نوابن میں وزیراعلیٰ نے بڑھاپے کے وظیفے، بیوہ وظیفے، خصوصی طور پر قابل افراد کے لیے وظیفے یا معذوری وظیفے کے مستحقین کو رقم دی۔ بعد میں انہوں نے الزام لگایا کہ ان وظیفوں کے معاملے میں بھی دھوکہ دہی ہوئی ہے۔ مغربی مدنی پور کے چندرکوٹہ کے ایک واقعے کا ذکر کرتے ہوئے شوبھیندو نے کہا، "وہاں ایک شخص بیوہ وظیفہ لینے کے لیے گرفتار ہوا ہے۔ ان فلاحی منصوبوں میں بھی بہت سے لوگ عمر چھپا کر اور جعلی سرٹیفکیٹ دے کر وظیفہ لے رہے ہیں۔" شوبھیندو نے بتایا کہ ان منصوبوں کی درخواستوں کی بھی چھان بین کی جا رہی ہے۔وزیراعلیٰ کا پیغام ہے کہ اگر کوئی مستحق نہیں ہے تو وہ فوری طور پر سماجی منصوبوں کا فائدہ چھوڑ دیں۔ شوبھیندو نے بتایا کہ یہ تینوں وظیفے 83 لاکھ 5 ہزار 919 مستحقین کو دیے گئے ہیں۔ اس پر سالانہ 14 ہزار 771 کروڑ روپے خرچ ہوں گے۔ اس کے فوراً بعد شوبھیندو نے بتایا کہ سابقہ حکومت کے دور میں سماجی منصوبوں کے سلسلے میں جو انتظار کی فہرست (ویٹنگ لسٹ) تھی، اسے مکمل طور پر ختم کیا جا رہا ہے۔ اس حکومت کے اقتدار میں آنے کے بعد فلاحی کیمپوں میں جو درخواستیں جمع ہوئی ہیں، صرف