امیتابھ نے اے آئی سے بنی تصویر شیئر کرنے پر معافی مانگ لی

بالی ووڈ سپر اسٹار امیتابھ بچن نے حال ہی میں غلطی سے شیئر اور بعد میں ڈیلیٹ کی گئی آرٹیفیشل انٹیلی جنس سے تیار کردہ تصویر کے بعد وضاحت جاری کی ہے۔ انھوں نے اس موقع پر اپنی ایک بلیک اینڈ وائٹ تصویر شیئر کی، جس میں وہ ہاتھ جوڑے مسکرا رہے ہیں۔ امیتابھ بچن نے اے آئی سے بنی تصویر شیئر کرنے کے بعد معافی مانگی اور کہا ہاتھ پاؤں جوڑ لیتے ہیں۔ اپنے بلاگ پر انھوں نے ایک جذباتی نوٹ بھی لکھا، جس میں انہوں نے کہا کہ وہ گاؤں کے رہنے والے ہیں اور جو کچھ کر سکتے ہیں، اپنی پوری کوشش کرتے ہیں۔ انکا مزید کہنا تھا کیا کریں بھائی؟ ہم گاؤں کے لوگ ہیں! جو بن پڑتا ہے کر لیتے ہیں، جو نہیں ہوتا، ہاتھ پاؤں جوڑ لیتے ہیں۔ انکا کہنا تھا کہ کوئی چھوٹا بڑا نہیں ہوتا، ہم بحیثیت انسان سب بڑے پیدا ہوئے ہیں، انسان ہونا ہی بڑی بات ہے۔ انکا کہنا تھا کہ اسے سمجھو اور اسی طرح جیو۔ 83 سالہ امیتابھ بچن نے اپنے بلاگ میں کہا کہ وہ ہمیشہ اپنی پوری کوشش کے حوالے سے پر عزم ہیں اور اپنی عاجزانہ شروعات پر غور کرتے ہیں۔

Source: social media