امریکی پیسفک کمانڈ نے جموں و کشمیر کو ہندستان کے نقشے سے ہٹایا، کانگریس نے پی ایم مودی پر کیا طنز

نئی دہلی: کانگریس پارٹی نے مرکز کی بی جے پی حکومت پر سخت حملہ کیا ہے۔ یہ امریکی پیسفک کمانڈ کی جانب سے بھارت کا غلط نقشہ استعمال کرنے کے بعد سامنے آیا ہے، جس میں جموں و کشمیر کو شامل نہیں کیا گیا تھا اور پاکستان کے زیر قبضہ کشمیر (پی او کے) کو پاکستانی علاقہ کے طور پر دکھایا گیا تھا۔ کانگریس پارٹی نے اس کے لیے وزیر اعظم نریندر مودی کو ذمہ دار ٹھہرایا۔ تازہ ترین پیش رفت پر ردعمل ظاہر کرتے ہوئے، کانگریس کے میڈیا اور پبلسٹی ڈیپارٹمنٹ کے چیئرمین پون کھیرا نے وزیر اعظم پر تنقید کرتے ہوئے کہا، "مودی جی کے دوستوں (امریکہ) کو ہندوستان، ہندوستان کے مفادات اور ہندستان کے دوستوں کے خلاف کام کرنے کی عجیب عادت ہے۔" پون کھیڑا نے ایکس پر لھکا "تازہ ترین مثال؟ یو ایس پیسیفک کمانڈ نے جموں و کشمیر کو چھوڑ کر اور پی او کے کو پاکستانی سرزمین کے طور پر ظاہر کرتے ہوئے ہندستان کا غلط نقشہ استعمال کیا۔ کوئی یہ پوچھنے پر مجبور ہے: جب کسی ملک کے وزیر اعظم نے ملک کو اس طرح کی استحصالی دوستی میں دھکیل دیا ہے تو دشمنوں کی ضرورت کیوں ہے؟" کرناٹک سے راجیہ سبھا کے رکن اور کانگریس کے سینئر لیڈر نے امریکی پیسفک کمانڈ کے نام کو بحال کرنے کے محکمہ جنگ کے فیصلے پر موجودہ حکومت سے سوال کیا۔ انہوں نے کہا، "2018 میں یو ایس پیسفک کمانڈ کا نام بدل کر یو ایس انڈو پیسفک کمانڈ رکھ دیا گیا تاکہ خطے میں ہندوستان کے اثر و رسوخ کا احترام کیا جا سکے۔ مودی حکومت نے اسے ہندوستان کے بڑھتے ہوئے عالمی اثر و رسوخ کی علامتی پہچان کے طور پر دیکھا۔ آج یہ اعزاز چھین لیا گیا ہے۔"

Source: social media