پرولیا شہر سے گریز کرتے ہوئے 16 کلومیٹر دور پٹرول پمپ پہنچا تھا امیت، بائیک پر بوری میں محبوبہ کی لاش!
میس کے کمرے میں محبوبہ کو قتل کرنے کے بعد لاش کو بوری میں بھر کر بائیک کے پیچھے باندھ دیا تھا۔ اس کے بعد پرولیا شہر سے ایودھیا پہاڑ کی طرف جا رہا تھا اگنی ویر اور پولیس کے امتحان میں کامیاب 21 سالہ نوجوان امیت۔ راستے میں بائیک میں ایندھن بھرانے کے لیے ایک پٹرول پمپ پر رکا۔ رات کے 9 بج کر 17 منٹ ہو رہے تھے۔پولیس ذرائع کے مطابق، ہفتہ کے روز محبوبہ کی لاش بوری میں بند کرکے بائیک سے جس پٹرول پمپ پر امیت پہنچا تھا، وہاں سے اس کا میس تقریباً 17 کلومیٹر دور تھا۔ پرولیا شہر میں کئی پٹرول پمپ موجود ہیں۔ خیال کیا جا رہا ہے کہ سب کی نظروں سے بچنے کے لیے اس نے شہر سے تقریباً 15 کلومیٹر دور رانچی روڈ پر واقع ایک پٹرول پمپ پر جاکر پٹرول بھروایا تھا۔ رودرا گاو¿ں کے قریب واقع اس پٹرول پمپ سے 500 روپے کا پٹرول بھروانے کے بعد امیت کمار ایودھیا پہاڑ کی جانب بائیک لے کر روانہ ہوا۔ تاہم کچھ دور جانے کے بعد اسے ناکہ تلاشی کا سامنا کرنا پڑا۔ محبوبہ کی بوری بند لاش کے ساتھ نوجوان کو بلرام پور تھانے کی پولیس نے گرفتار کر لیا۔
تفتیش کاروں کا خیال ہے کہ ملزم اس بات کو لے کر تذبذب میں تھا کہ لاش کو کہاں لے جاکر پھینکے یا کس راستے سے جائے۔ ساتھ ہی اس کے ذہن میں یہ بات بھی تھی کہ کسی کو اس پر شک نہ ہو۔ اسی لیے وہ پرولیا شہر کے کسی پٹرول پمپ پر نہیں گیا۔ اتفاق سے جس پٹرول پمپ کا اس نے انتخاب کیا، اس سے کچھ ہی فاصلے پر پرولیا مفصل تھانہ بھی واقع ہے۔ اس سڑک پر باقاعدگی سے ناکہ تلاشی ہوتی ہے۔
اس راستے سے جھالدا شہر ہوتے ہوئے ایودھیا پہاڑ جایا جا سکتا ہے۔ امیت نے یہ راستہ اختیار نہیں کیا۔ ممکن ہے کہ اسے ناکہ تلاشی کے بارے میں علم ہو۔ اسی لیے اس نے بلرام پور کا راستہ اختیار کیا۔ تاہم، وہاں بھی ناکہ تلاشی ہوتی ہے، شاید اسے اس بارے میں معلومات نہیں تھیں۔جس پٹرول پمپ سے امیت نے بائیک میں 500 روپے کا پٹرول بھروایا تھا، پولیس وہاں بھی پہنچ گئی۔ پولیس نے سی سی ٹی وی فوٹیج کی جانچ کرکے ملزم کی شناخت کر لی ہے۔ فوٹیج میں دیکھا گیا کہ ٹی شرٹ اور ٹریک سوٹ پہنے نوجوان کی بائیک کے پیچھے سفید رنگ کی ایک بوری بندھی ہوئی تھی۔ بائیک سوار کے سر پر ہیلمٹ نہیں تھا۔
منگل کے روز پولیس امیت کو ساتھ لے کر اسی میس میں گئی تھی، تاکہ قتل کے واقعے کی بازسازی کی جا سکے۔ فارنسک ٹیم نے بھی نمونے جمع کیے ہیں۔ بدھ کے روز تفتیش کار ایک بار پھر اس میس کا دورہ کر سکتے ہیں۔