کولکاتہ کے سابق ترنمول کونسلر باپی کے خلاف دھوکہ دہی اور دھمکی کا الزام
اس بار کولکاتہ میونسپل کارپوریشن کے سابق کونسلر باپی گھوش کے خلاف دھمکی دے کر معاہدے پر دستخط کروانے کا الزام لگا ہے۔ الزام ہے کہ انہوں نے فلیٹ تعمیر کرنے کے لیے دھمکی دے کر زمین ہتھیا لی۔ معاہدے کے مطابق، شکایت کنندہ خاندان کو ایک فلیٹ، ایک دکان اور ۱۰ لاکھ ۵۰ ہزار روپے نقد ملنے تھے۔ لیکن بعد میں فلیٹ اور دکان تو دے دی، تاہم الزام ہے کہ باپی نے اس خاندان کو کوئی رقم نہیں دی۔ اس سلسلے میںشیام پوکھرتھانے میں شکایت درج کرائی گئی ہے۔
انیتا ساو¿ نامی خاتون کا الزام ہے کہشیام پوکھر کے گوپی موہن لین کے کنارے ایک زمین پر فلیٹ تعمیر کرنے کے لیے ۲۰۲۰ میں ان کے شوہر سے زمین لی گئی تھی۔ میونسپل کارپوریشن کے وارڈ نمبر ۷ کے اس وقت کے کونسلر باپی اور ان کے ساتھی دیبرت اکولی نے دھمکی دے کر انہیں معاہدہ کرنے پر مجبور کیا۔ انہیں بتایا گیا تھا کہ تعمیر مکمل ہونے پر دکان اور فلیٹ کے علاوہ 10 لاکھ50 ہزار روپے بھی دیے جائیں گے۔ لیکن اس خاندان کو وہ نقد رقم نہیں ملی۔ بعد میں رقم مانگنے پر انہیں دھمکیاں دی گئیں۔ شکایت کنندہ خاتون کا کہنا ہے کہ ان کے خاندان کو اس کا نتیجہ بھگتنا پڑے گا۔
اس سلسلے میں حال ہی میں انیتا نے شیام پوکھر تھانے میں شکایت درج کرائی۔ ان کی شکایت اور ابتدائی تحقیقات کی بنیاد پر پولیس نے پہلے ہی ایف آئی آر درج کر لی ہے۔ ملزم کونسلر اور ان کے ساتھی کے خلاف انصاف کے ضابطے کی مناسب دفعات کے تحت دھوکہ دہی، وصولی، دھمکی اور مجرمانہ سازش کے الزام میں مقدمہ درج کیا گیا ہے۔ رپورٹ شائع ہونے تک اس الزام پر سابق کونسلر کا کوئی ردعمل موصول نہیں ہوا۔