اداکارہ کی صحافی سے تلخ کلامی، تبصروں پر طیش میں آگئیں

اداکارہ اور پون کلیان کی سابقہ اہلیہ رینو دیسائی پریس کانفرنس پر آنے والے تبصروں پر طیش میں آگئیں۔ میڈیا رپورٹ کے مطابق 44 سالہ رینو دیسائی نے حیدرآباد میں آوارہ کتوں کے کاٹنے کے مسئلے پر پریس کانفرنس میں جذباتی انداز میں گفتگو کی تھی۔ انہوں نے اس موقع پر معاشرے کے دہرے معیار پر سوال اٹھایا تھا کہ لوگ آوارہ کتوں کے معاملے پر تو فوری ردعمل دیتے ہیں مگر مچھر سے پھیلنے والی بیماریوں، سڑکوں کے عدم تحفظ، قتل اور ریپ جیسے سنگین مسائل پر خاموش رہتے ہیں۔ پریس کانفرنس کے دوران ایک شخص کے ساتھ تلخ کلامی ہوئی تو معاملہ مزید بگڑ گیا، بعد میں سوشل میڈیا پر جس نوعیت کے تبصرے آئے تو وہ شدید غصے میں آگئیں۔ اس معاملے میں رینو ڈیسائی نے ایک وضاحتی ویڈیو بھی جاری کی، انہوں نے سوشل میڈیا ٹرولز کو جنہوں نے ان کی ذاتی زندگی، سابقہ شوہر اور بچوں کو نشانہ بنایا بلکہ موت کی بددعائیں تک دیں، تو جواب دیا ہے۔ اداکارہ نے واضح کیا کہ ان کی جدوجہد سیاست یا ذاتی مفاد کے لیے نہیں بلکہ انسانی جان کی قدر کے لیے ہے۔

Source: social media