برسلز: یورپی یونین نے امریکی صدر ڈونلڈ ٹرمپ کی جانب سے عائد کردہ ٹیرف کے خلاف پہلا بڑا اقدام اٹھاتے ہوئے 20 ارب یورو سے زائد مالیت کی امریکی مصنوعات پر جوابی ٹیرف کی منظوری دے دی۔ یورپی کمیشن کی جانب سے جاری بیان میں کہا گیا ہے کہ منتخب امریکی مصنوعات پر ان جوابی ٹیرف کی شرح 25 فیصد تک ہوگی اور ان کا اطلاق 15 اپریل سے شروع ہو جائے گا۔ خیال رہے کہ یہ ٹیرف گزشتہ ماہ امریکا کی جانب سے یورپی اسٹیل اور ایلومینیم پر عائد کردہ ڈیوٹیوں کے جواب میں نافذ کیے گئےہیں۔ یورپی یونین کے 27 میں سے 26 ممالک نے اس اقدام کی منظوری دی جبکہ صرف ہنگری نے اس کے خلاف ووٹ دیا۔ جن امریکی مصنوعات پر ٹیرف عائد کیا جائے گا ان میں مرغی، چاول، مکئی، پھل اور میوے، لکڑی، موٹرسائیکلیں، پلاسٹک، ٹیکسٹائل، پینٹنگز اور برقی آلات شامل ہیں۔ غیر ملکی خبررساں ایجنسی کے مطابق جن مصنوعات پر ٹیرف عائد کیا گیا ہے ان میں سے زیادہ تر ری پبلکن اکثریت رکھنے والی امریکی ریاستوں میں تیار کی جاتی ہیں۔ یورپی کمیشن نے اپنے بیان میں کہا ہے کہ یہ جوابی اقدامات کسی بھی وقت معطل کیے جا سکتے ہیں بشرطیکہ امریکا ایک منصفانہ اور متوازن معاہدے پر رضامند ہو جائے۔ بیان میں مزید کہا گیا یورپی یونین امریکی محصولات کو بلاجواز اور نقصان دہ سمجھتی ہے جو نہ صرف فریقین بلکہ عالمی معیشت کو بھی نقصان پہنچا رہے ہیں۔ یورپی یونین کی جانب سے اس ٹیرف کا اعلان ایک ایسے وقت میں سامنے آیا ہے جب چین اور امریکا کے درمیان تجارتی محاذ گرم ہے اور چین نے آج امریکا کی جانب سے عائد 104 فیصد ٹیرف کے جواب میں امریکی درآمدات پر 84 فیصد ٹیرف عائد کردیا ہے۔ خیال رہے کہ ٹرمپ نے یورپی یونین سے گاڑیوں کی درآمد پر بھی 25 فیصد ٹیرف عائد کررکھا ہے اور گزشتہ ہفتے اعلان کیے گئے جوابی ٹیرف کے تحت یورپی یونین پر مزید 20 فیصد ٹیرف بھی نافذ کیا گیا ہے۔ یورپی یونین کے ترجمان نے کہا کہ ٹرمپ کی جانب سے گزشتہ ہفتے اعلان کیے گئے ٹیرف کے جواب میں یورپی ردعمل اگلے ہفتے تک سامنے آ سکتا ہے۔
Source: social media
ٹرمپ کا نیتن یاھو کو ایران سے مذاکرات میں رخنہ ڈالنے سے باز رہنے کا مشورہ: امریکی عہدیدار
اقوام متحدہ نےغزہ میں امدادی مراکز پرعوامی ہجوم کی تصاویرکو’دل دہلا دینے والامنظر‘قرار دیا
حجاج کے لیے ٹھنڈے، محفوظ اور باسہولت راستے، معذور عازمین کے لیے الگ سے ٹریک مختص
امریکہ نے غیر ملکی طلباء کی ویزا درخواستیں عارضی طور پر معطل کر دیں
ہارورڈ یونیورسی کے خلاف ایک اور انتقامی کارروائی ، 100 ملین ڈالر کی کٹوتی کا اقدام شروع
غزہ میں اسرائیل کی جنگی سفاکیت تھم نہ سکی، تازہ حملوں میں مزید 81 فلسطینی شہید
اقوام متحدہ نےغزہ میں امدادی مراکز پرعوامی ہجوم کی تصاویرکو’دل دہلا دینے والامنظر‘قرار دیا
حجاج کے لیے ٹھنڈے، محفوظ اور باسہولت راستے، معذور عازمین کے لیے الگ سے ٹریک مختص
ٹرمپ کا نیتن یاھو کو ایران سے مذاکرات میں رخنہ ڈالنے سے باز رہنے کا مشورہ: امریکی عہدیدار
ہارورڈ یونیورسی کے خلاف ایک اور انتقامی کارروائی ، 100 ملین ڈالر کی کٹوتی کا اقدام شروع
غزہ میں اسرائیل کی جنگی سفاکیت تھم نہ سکی، تازہ حملوں میں مزید 81 فلسطینی شہید
کامِک بُک میں سونامی کی پیش گوئی، سیاح جاپان جانے سے ہچکچانے لگے
غزہ میں خوراک کی تقسیم کے موقع پر اسرائیلی فوج کی ’انتباہی فائرنگ‘، تین زخمی
روسی فضائیہ نے تین گھنٹے میں 112 یوکرینی ڈرون مار گرایا