نئی دہلی 27 : پہلوان بجرنگ پونیا کو قومی اینٹی ڈوپنگ ایجنسی (ناڈا) نے قومی ٹیم کے انتخاب کے ٹرائلز میں ڈوپ ٹیسٹ کے نمونے دینے سے انکار کرنے پر چار سال کے لیے معطل کر دیا ہے۔ ٹوکیو اولمپکس میں چاندی کا تمغہ جیتنے والےپونیا کو اس سے قبل 23 اپریل کو ناڈانے عارضی طور پر معطل کر دیا تھا۔ اس کے بعد عالمی ریسلنگ آرگنائزیشن نے بھی ان کے خلاف کارروائی کی۔ پونیا نے اس معطلی کے خلاف اپیل کی تھی جس کے بعد اسے 31 مئی تک منسوخ کر دیا گیا تھا۔ اس کے بعد ناڈانے پونیا کو 23 جون کو نوٹس جاری کیا تھا۔ پونیا نے اس فیصلے کو 11 جولائی کو چیلنج کیا تھا جس کے بعد 20 ستمبر اور 4 اکتوبر کو سماعت ہوئی۔ اب اپنے حکم میں، ناڈاکے ڈوپنگ پینل اے ڈی ڈی پی نے پونیا کی چار سالہ معطلی کو جاری رکھا ہے۔ اس معطلی کی وجہ سے پونیا کو مسابقتی ریسلنگ میں حصہ لینے اور بیرون ملک ٹریننگ کی اجازت نہیں ہوگی۔

Source: uni urdu news service