برلن، 28 جون :) ہندستانی خواتین ہاکی ٹیم کو ہفتہ کو چین کے خلاف 0-3 سے شکست کا سامنا کرنا پڑا۔ اس شکست کے ساتھ ہی ہندستانی ٹیم ایف آئی ایچ ہاکی پرو لیگ (خواتین) سے باہر ہونے کے دہانے پر پہنچ گئی ہے ۔ہندستانی ٹیم نے آج یہاں کھیلے گئے میچ میں مایوس کن کارکردگی کا مظاہرہ کیا۔ یہ بہت سے مواقع سے فائدہ اٹھانے میں ناکام رہی۔ اس میں چوتھے کوارٹر میں پوسٹ پر دیپکا کی طرف سے مارا گیا پینلٹی اسٹروک بھی شامل ہے ۔ چین کی جانب سے یانگ چن (21ویں) منٹ، ینگ ژانگ (26ویں) منٹ نے پنالٹی کارنر پر گول کئے ۔ جبکہ آنہوئی یو نے (45ویں) منٹ میں فیلڈ گول کیا۔ہندستان نے چوتھے ہی منٹ میں پنالٹی کارنر حاصل کرتے ہوئے اچھی شروعات کی، لیکن اسے گول میں تبدیل کرنے میں ناکام رہا۔ ادھر چین نے 21ویں منٹ میں یانگ کے گول سے برتری حاصل کر لی۔ پانچ منٹ بعد ینگ نے گول کر کے ہاف ٹائم تک اسکور 2-0 کر دیا۔چین کا تیسرا گول آنہوئی یو کا شاندار فیلڈ گول تھا جس کے بعد ہندستان کی واپسی کی کوئی امید نہیں رہی۔پوائنٹس ٹیبل میں چین مضبوطی سے چوتھے نمبر پر ہے جبکہ ہندوستان نویں، جرمنی ساتویں اور انگلینڈ آٹھویں نمبر پر ہے ۔

Source: uni news