Kolkata

کروڑوں روپے کا سونا لے کر سڑک پر گھومنے والا نوجوان گرفتار

24/07/26

کروڑوں روپے کا سونا لے کر سڑک پر گھومنے والا نوجوان گرفتار پولیس نے لیک ٹاو¿ن کے بی بلاک کے تالاب کے قریب سے سونے کی بسکٹوں کے ساتھ دو دیگر ریاستوں کے نوجوانوں کو گرفتار کیا۔ جمعہ کی صبح لیک ٹاو¿ن تھانے کی پولیس نے انہیں علاقے میں مشکوک طور پر گھومتے دیکھا، جس کے بعد پوچھ گچھ کر کے انہیں حراست میں لے لیا۔ معلوم ہوا ہے کہ ان سے برآمد ہونے والی سونے کی بسکٹوں کی تخمینہ مارکیٹ ویلیو تقریباً 6 کروڑ روپے ہے۔ نیز، ملزمان سے پرانی 1 اور 2 روپے کی نوٹیں بھی برآمد کی گئیں۔ پولیس ذرائع کے مطابق، گرفتار دونوں نوجوان دیگر ریاستوں کے رہائشی ہیں۔ ان کے نام بھگیرتھ جانا (اڑیسہ کا رہائشی) اور اجیت مہیتا (مہاراشٹر کا رہائشی) ہیں۔ جمعہ کی صبح لیک ٹاو¿ن بی بلاک کے تالاب کے سامنے انہیں ایک ہی رنگ کے رین کوٹ اور ہیلمٹ پہنے مشکوک طور پر گھومتے دیکھا گیا۔ انہیں سب سے پہلے لیک ٹاو¿ن تھانے کی گشت کرنے والی وین میں موجود پولیس نے دیکھا اور فوراً حراست میں لے لیا۔ پوچھ گچھ کے بعد اڑیسہ کے رہائشی بھگیرتھ کے قبضے سے 4 سونے کی بسکٹیں ضبط کی گئیں، جن میں سے ایک ایک بسکٹ کا وزن 1 کلوگرام ہے۔ ضبط شدہ سونے کی کل تخمینہ مارکیٹ ویلیو تقریباً 6 کروڑ روپے بتائی جا رہی ہے۔

Source: Admin