بالی وڈ اداکار ابھیشیک بچن کی نئی گاڑی کے نمبر نے اداکار جوڑی کو ایک ساتھ دیکھنے کے خواہش مند مداحوں کو اطمینان بخشا ہے کیوں کہ بتایا جارہا ہے کہ ابھیشیک کی نئی گاڑی کا نمبر ان کی اہلیہ کا پسندیدہ نمبر ہے۔ سوشل میڈیا پر پاپارازی یوگن شاہ کے اکاؤنٹ سے ابھیشیک کی نئی کار میں سوار ہوتے تصویر شیئر کی گئی جس نے اداکاری جوڑی کے مداحوں کو خوش کردیا۔ تصویر میں ابھیشیک کو اپنی نئی سیاہ رنگ کی گاڑی میں فلم 'دی آرچیز' کی اسٹار سہانا خان، اگستیہ نندا اور اپنی بھانجی نویا نویلی نندا کے ساتھ دیکھا گیا۔ تصویر میں خاص ابھیشیک کی گاڑی کا نمبر 5050 واضح کیا گیا ہے اور یوگن شاہ کا کہنا ہے کہ یہ نمبر ایشوریا کا پسندیدہ نمبر ہے۔ یوگن شاہ نے پوسٹ کا کیپشن درج کرتے ہوئے کہ ’محبت زندگی ہے اور ہمیشہ کے لیے ہے ‘۔ یہاں یہ بات بھی قابلِ ذکر ہے کہ ایشوریا اور ابھیشیک کی طلاق کی خبریں گزشتہ کچھ مہینوں سے زیرِ گردش ہیں، البتہ دونوں کی جانب سے اس پر لب کشائی نہیں کی گئی ہے۔ مکیش امبانی کے بیٹے اننت امبانی کی شادی میں ابھیشیک کا اہلیہ اور بیٹی کے بجائے والدین کے ہمراہ فوٹوشوٹ موضوع بحث بنا تاہم تقریب سے وائرل کچھ تصویروں نے مداحوں کو خوش بھی کیا۔ اس کے بعد ابھیشیک نے سوشل میڈیا پر صحافی کی جانب سے شیئر طلاق سے متعلق پوسٹ پر لائیک کیا جس نے ایک بار پھر ابھیشیک اور ایشوریا کو ساتھ دیکھنے کے خواہش مند مداحوں کو اداس کردیا۔ بعد ازاں امیتابھ بچن نے ٹوئٹر پر اپنی تصویر شیئر کی جس کے کیپشن نے بھی سوشل میڈیا صارفین کی توجہ اپنی جانب مبذول کروالی۔ اس سے قبل ایشوریا رائے کے بچن ہاؤس چھوڑنے کی خبریں بھی سامنے آئی تھیں اور امیتابھ بچن نے اپنی بہو کو سوشل میڈیا سے اَن فالو بھی کردیا تھا۔ ابھیشیک بچن اور ایشوریا رائے کی شادی 2007 میں ہوئی تھی اوران کے گھربیٹی آرادھیا کی پیدائش 2011 میں ہوئی۔
Source: Social Media
ادیتی راؤ کی شادی کا وینیو سامنے آگیا
طلاق کی خبریں: ایشوریا رائے بیٹی کے ہمراہ سسرال پہنچ گئیں، ویڈیو وائرل
بدنام اتنا کردیا کہ شادی نہیں ہوپارہی : کنگنا رناوت
طلاق کی افواہیں: ابھیشیک ایشوریا کی ایک ساتھ ویڈیو وائرل
فلم 'ساجن' کیلئے سلمان خان کا معاوضہ 5 ہزار سے 11 لاکھ تک کیسے پہنچا؟
رمی سین نے کار کمپنی کے خلاف 50 کروڑ ہرجانے کا مقدمہ دائر کردیا
بدنام اتنا کردیا کہ شادی نہیں ہوپارہی : کنگنا رناوت
طلاق کی خبریں: ایشوریا رائے بیٹی کے ہمراہ سسرال پہنچ گئیں، ویڈیو وائرل
سلمان خان کو میوزک ویڈیو میں کیوں لیا؟ بشنوئی گینگ کی گلوکار اے پی ڈھلون کے گھر پر فائرنگ
’کیا کر رہے ہو؟‘، پاپارازی کے اپارٹمنٹ میں گھس جانے پر عالیہ بھڑک اٹھیں