حکومت پوری پولس مشنری کو اپنے ہتھیار کے طور پر استعمال کر رہی ہے: ممتا بنرجی
کلوزڈ سرکٹ ٹیلی ویڑن کی فوٹیج سامنے آنے کے گھنٹوں بعد جس میں نقاب پوش افراد صبح 4.30بجے کثیر المنزلہ احاطے میں گھستے ہوئے دکھائی دے رہے تھے، ممتا نے مرکز اور بنگال میں بی جے پی کی زیرقیادت حکومت پر پوری پولیس مشینری کو ہتھیار بنانے کا الزام عائد کیا۔
انہوں نے کہا، "بی جے پی کے غنڈوں نے کولکاتا پولیس کو اپنے ساتھ ملا کر ہمارے دستاویزات اور آلات لوٹ لیے اور ہمارے دفتر کو توڑ پھوڑ کا نشانہ بنایا،" اور براہ راست یہ دلیل دی کہ شیکسپیئر سارانی پولیس اسٹیشن کے تحت تعینات قانون نافذ کرنے والے اہلکاروں نے شہریوں کے غیر جانبدار محافظ کے طور پر کام کرنے کے اپنے آئینی فرض کو ترک کر دیا اور اس کے بجائے سیاسی شکاری بن گئے۔
جسے انہوں نے "نصف شب کی وحشییت" قرار دیا اس کی تفصیل دیتے ہوئے ممتا نے دعویٰ کیا کہ سیاسی تبدیلی کے بعد سے دیہات اور قصبوں میں ترنمول کانگریس کے4,000سے زائد دفاتر پر زبردستی قبضہ کیا گیا، لوٹ مار کی گئی یا انہیں توڑ پھوڑ کا نشانہ بنایا گیا، ساتھ ہی41,000سے زائد سیاسی بنیادوں پر ایف آئی آر درج کی گئیں جو نچلی سطح کے اختلاف رائے کو کچلنے کے لیے بنائی گئیں۔انہوں نے خبردار کیا، "اگر مظالم نہ رکے تو میں دہلی جاو¿ں گی اور وہاں بی جے پی لیڈروں کے گھروں کے سامنے دھرنا دوں گی۔ممتا نے حکومت کی تبدیلی کے وسیع تر سماجی و اقتصادی اثرات پر حملہ کیا، جس میں اشیائے ضروریہ کی بڑھتی ہوئی قیمتوں کی طرف اشارہ کیا جس سے عام گھرانوں، یومیہ اجرت داروں اور کسانوں کو شدید نقصان پہنچا ہے۔
انہوں نے تعلیمی مقامات کی منظم دباوکی بھی مذمت کی، جس کا حوالہ جادو پور اور پریذیڈنسی یونیورسٹیوں میں پولیس کی حمایت سے ہونے والی حالیہ رکاوٹوں کو دیا، اور شدید کارروائیوں کے دوران غریب پھیری والوں کے ٹھیلوں کو من مانی طور پر گرانے پر تنقید کی۔ابھیشیک نے ایکس پر لکھا، "توڑ پھوڑ۔ تشدد۔ لا ابالی۔ پولیس اور بی جے پی کے غنڈے نہ تو قانون سے ڈرتے ہیں اور نہ ہی عدلیہ سے۔ اگر اس سے عدلیہ کا ضمیر نہیں ہلتا تو کیا ہلے گا؟ بزدل وزیراعلیٰ @SuvenduWB، @AmitShah، @ombirlakota اور @narendramodi پر شرم آتی ہے۔