سبینا یاسمین نے ریتو برتو ترنمول کے عہدے سے استعفیٰ دے دیا
ضمنی انتخابات ختم ہوتے ہی ریت کے خیمے میں ایک بار پھر پھوٹ پڑ گئی ہے۔ ڈیموکریٹک ترنمول کی خواتین ونگ کی صدر سبینہ یاسمین نے اپنے عہدے سے استعفیٰ دے دیا ہے۔ انہوں نے اپنی خراب صحت کو استعفے کی وجہ بتایا ہے۔ ارکانِ اسمبلی کے واٹس ایپ گروپ میں تفصیل بتاتے ہوئے سبینہ نے لکھا کہ پارٹی کی اس تنظیم کو نئے سرے سے چلانے کے لیے اب کافی بھاگ دوڑ کرنی پڑے گی، جو ان کے لیے ممکن نہیں ہے۔
اپنے خط میں سبینہ نے ایک اہم بات لکھی ہے کہ عہدہ چھوڑنے کے باوجود وہ پارٹی نہیں چھوڑ رہی ہیں۔ قابلِ ذکر ہے کہ خط میں سبینہ یاسمین نے آل انڈیا ترنمول کانگریس کے صدر بپلب مترا کا ذکر کیا ہے۔ اسی بات نے سیاسی حلقوں میں ان کی آئندہ سیاسی سرگرمیوں کے حوالے سے قیاس آرائیاں تیز کر دی ہیں۔
سیاسی تجزیہ کاروں کے ایک طبقے کا سوال ہے کہ کیا مالدہ کی یہ خاتون رہنما ممتا بنرجی کے خیمے میں واپسی کرنے والی ہیں؟ اس کی ایک وجہ یہ بھی بتائی جا رہی ہے کہ ان کے خط میں کہیں بھی ڈیموکریٹک ترنمول کانگریس کا نام نہیں ہے۔
قابلِ ذکر ہے کہ چند روز قبل ممتا بنرجی نے ریت کے خیمے میں شامل ہونے والے ارکانِ اسمبلی کو 15 دن کی مہلت دی تھی۔ کالی گھاٹ کے ترنمول کی جانب سے پہلے ہی دعویٰ کیا جا چکا ہے کہ ریتبرتا کے خیمے میں موجود ترنمول کے کئی رہنما ممتا بنرجی کو آگے رکھ کر ان کے ساتھ کام کرنا چاہتے ہیں۔
اب بنگال کی سیاست میں یہ بحث شروع ہو گئی ہے کہ آیا اس طرح کی واپسی کے امکانات دوبارہ پیدا ہوں گے یا بی جے پی مخالف اتحاد کسی متبادل راستے سے مزید مضبوط ہوگا۔
تاہم، مستعفی ہونے والی سبینہ کا کہنا ہے، ”عہدہ چھوڑنے کا مطلب یہ نہیں ہے کہ میں پارٹی چھوڑ رہی ہوں یا کسی دوسری سیاسی جماعت میں جانے کا ارادہ رکھتی ہوں۔ عہدے سے استعفیٰ دینے کا یہ مطلب نہیں کہ میں پارٹی چھوڑ کر کہیں اور چلی جاو¿ں گی۔ اس طرح کی باتوں کی کوئی منطق نہیں ہے۔“
اس سے پہلے ممتا بنرجی کے خیمے سے نکل کر ریتبرتا کے خیمے میں شامل ہونے کے الزام میں 10 ارکانِ اسمبلی کی رکنیت ختم کرنے کی درخواست لے کر ممتا بنرجی کی آل انڈیا ترنمول کانگریس کے رکنِ اسمبلی شوبھندیو چٹوپادھیائے سپریم کورٹ پہنچے تھے۔ اس فہرست میں سوجاپور کی رکنِ اسمبلی سبینہ یاسمین کا نام بھی شامل تھا۔
اب ریتبرتا کے خیمے کی خواتین ونگ کی صدر کے عہدے سے سبینہ کے استعفے کے بعد ان کی آئندہ سیاسی حکمتِ عملی کے حوالے سے قیاس آرائیاں مزید تیز ہو گئی ہیں۔