بنگلور، 2 مارچ : کرناٹک کے نائب وزیر اعلی ڈی کے شیوکمار نے ہفتہ کے روز ہونے والے رامیشورم کیفے کے دھماکے کو منگلور کے کوکر بلاسٹ سے منسلک کیا۔ انہوں نے یہاں نامہ نگاروں کو بتایا "منگلورکے کوکر دھماکے اور اس دھماکہ کے درمیان تعلق ہے۔ ہماری پولس بھی یہی کہہ رہی ہے۔ دونوں جگہوں پر بم میں استعمال ہونے والا مواد یکساں ہے۔ بم میں ٹائمر اور دیگر چیزیں استعمال ہوئی تھیں۔ منگلور اور شیواموگا کی پولس بنگلور میں ان کے ساتھ ہے۔ شیوکمار نے یہ بھی کہا کہ حکومت شفاف اور منصفانہ تحقیقات کرنے کے لیے پرعزم ہے۔ انہوں نے کہا، "ہم نے پولس کو فری ہینڈ دیا ہے۔ سنٹرل کرائم برانچ اس معاملے کی تحقیقات کر رہی ہے۔" نائب وزیر اعلی نے کہا کہ بمبار کا پتہ لگانے کے لیے 7-8 ٹیمیں تشکیل دی گئی ہیں، انہوں نے مزید کہا کہ بنگلور کے باشندوں کو خوفزدہ نہیں ہونا چاہیے۔ دریں اثناء، کیمپ گوڑا بین الاقوامی ہوائی اڈے پر سکیورٹی بڑھا دی گئی ہے۔ سنٹرل کرائم برانچ (سی سی بی) کے افسران نے بنگلور میٹروپولیٹن ٹرانسپورٹ کارپوریشن (بی ایم ٹی سی) سے معلومات طلب کی ہیں، کیونکہ انہیں شبہ ہے کہ کلیدی ملزم نے بس میں سفر کیا تھا۔ بنگلور ہوٹلز ایسوسی ایشن نے ہوٹلوں میں چوکسی برقرار رکھنے کے واسطے اپنے معیارات پر تبادلہ خیال کرنے کے لیے پولس حکام، ممبر ہوٹلوں اور دیگر اسٹیک ہولڈرز کی میٹنگ طلب کی ہے۔ بنگلور کے پولس کمشنر بی دیانند نے سوشل نیٹ ورک ایکس پر کہا کہ متعدد ٹیمیں اب تک حاصل کردہ مختلف لیڈز پر کام کر رہی ہیں۔ انہوں نے کہا، "دھماکہ کے معاملے کی تفتیش زوروں پر ہے۔ اس کی حساسیت اور سکیورٹی خدشات کو مدنظر رکھتے ہوئے، میڈیا سے اپیل کی جاتی ہے کہ وہ قیاس آرائیوں میں نہ آئیں اور انتظامیہ کے ساتھ تعاون کریں۔"
Source: uni news service
پیسوں کے تنازع میں دو نوجوانوں نے بھائی۔ بھابھی کا کیا قتل
سلمان خان کے گھر پر فائرنگ کیس: بشنوئی گینگ کا شوٹر گرفتار
کانگریس نے آسام معاہدے پر سپریم کورٹ کے فیصلے کو درست قرار دیا
آپ نے 'انڈیا اتحاد ' کو دھوکہ دیا: مالیوال
کل جماعتی وفاق مہاراشٹرا کا 18 اکتوبر کو رام گری کے مٹھ کی طرف کوچ کرنے کا اعلان
انگلینڈ نے کرولی کی نصف سنچری کی بدولت اچھی شروعات کی
نایب سنگھ سینی ہریانہ کے وزیر اعلیٰ ہوں گے
امید ہے کہ نیشنل کانفرنس لوگوں کے بھروسے پر پوار اترے گی:محبوبہ مفتی
کانگریس جموں وکشمیر کو ریاستی درجے کی بحالی کا وعدہ پورا نہ ہونے پر وزارت میں شامل نہیں ہو رہی ہے:طارق قرہ
مودی نے عمر عبداللہ کو وزیر اعلیٰ بننے پر مبارکباد پیش کی
بارش کم ہوئی، دباؤ کا علاقہ آگے بڑھا، کل چنئی کے قریب ساحل عبور کرے گا
شریف نے ایس سی او سربراہی اجلاس کے آغاز پر جے شنکر کا خیرمقدم کیا
یہ کانٹوں بھرا تاج ہے، اللہ عمر عبداللہ کی مدد فرمائے:ڈاکٹرفاروق عبداللہ
مسجد میں جے شری رام کا نعرہ لگانا جرم نہیں، مذہبی جذبات کو کیسے ٹھیس پہنچی: کرناٹک ہائی کورٹ