رسٹورنٹوں کے بعد پولس شاپنگ ملز پر چھاپے مار نے لگی
ہوٹلوں، ریستورانوں اور گیسٹ ہاو¿سز کے بعد اب شاپنگ مالز۔ کلکتہ کے متعدد اعلیٰ شاپنگ مالز میں پولیس کا چھاپہ۔ ساو¿تھ سٹی مال، پارک سٹریٹ کا پتاکا ہاو¿س، ایکروپولس مال جیسے شاپنگ مالز میں فائر بریگیڈ اور پولیس کے افسران موجود ہیں۔ آڈٹ جاری ہے۔ ان مالز کے آگ سے حفاظت کے قوانین اور انتظامات کا جائزہ لیا جا رہا ہے۔ کاغذات سب درست ہیں یا نہیں، اس کا بھی معائنہ کیا جا رہا ہے۔ کسی ہنگامی صورت حال میں ایمرجنسی سیڑھیاں استعمال کی جا سکتی ہیں یا نہیں، ان کی حالت کیسی ہے، افسران اس کا جائزہ لے رہے ہیں۔

پوجا میں اب صرف 38 دن باقی ہیں۔ تقریباً ایک ماہ بعد ان شاپنگ مالز اور ان میں موجود ریستورانوں میں بھیڑ جمع ہو گی۔ پوجا کے دنوں میں ہی بہت سے لوگ وہاں جائیں گے۔ اس سے قبل ان مالز کے آگ سے حفاظت کے انتظامات کیسے ہیں؟ کسی حادثے کی صورت میں عام لوگوں کے نکلنے کے راستے محفوظ ہیں یا نہیں۔ تمام اصولوں پر عمل کیا جا رہا ہے یا نہیں۔ وہاں موجود ریستورانوں یا فوڈ کورٹس میں حفاظتی انتظامات کیسے ہیں – یہ سب کچھ پولیس اور فائر بریگیڈ کے افسران معائنہ کر رہے ہیں۔ ذرائع کے مطابق شہر کے 29 شاپنگ مالز میں فائر بریگیڈ اور پولیس چھاپے مار رہی ہے۔

واضح رہے کہ نیو مارکیٹ کے مرزا غالب اسٹریٹ کے 15 ایچ نمبر عمارت کے رہائشی ہوٹل شیکھا میں آگ لگنے سے 9 افراد کی موت ہو گئی تھی۔ اس کے فوراً بعد ایک خصوصی ٹیم تشکیل دے کر ہوٹلوں، ریستورانوں اور گیسٹ ہاو¿سز کے فائر سیفٹی معاملے کا جائزہ لیا گیا تھا۔ اس کے بعد رپورٹ نبانہ میں جمع کرائی گئی۔ شہر کے 919 ہوٹلوں اور گیسٹ ہاو¿سز کے لائسنس نبانہ نے منسوخ کر دیے۔ اس کے بعد ہی بدھ کو صبح مختلف شاپنگ مالز میں پولیس اور فائر بریگیڈ کا چھاپہ شروع ہوا۔