نشے کی حالت میں پنڈال میں داخلہ ممنوع، کلکتہ کی اس پوجا کمیٹی کا بڑا فیصلہ
نشے کی حالت میں پوجا پنڈال میں داخل نہیں ہو سکیں گے۔ مے کی حالت میں پنڈال میں زائرین کے داخلے پر پابندی عائد کر دی ہے چکر بیریا سروجنین دورگوتسو سمیتی نے۔ اس کلب کے ذمہ داروں کا واضح جواب ہے کہ وزیراعلیٰ کی اشتمی کے دن شراب بند کرنے کی ہدایت کے بعد ہی انہوں نے فیصلہ کیا ہے کہ مے کی حالت میں زائرین کو پنڈال میں داخل نہیں ہونے دیں گے۔ اس کے لیے داخلے کے مقام پر بریتھ لائزر ٹیسٹ کریں گے۔
جنوبی کلکتہ کے بھوانی پور کی ایک معروف اور روایتی دورگا پوجا ہے چکر بیریا سروجنین دورگوتسو سمیتی۔ اس بار ان کا 'تھیم پدم دھیگھر گھاٹے' ہے۔ رواں سال اس پوجا کمیٹی نے فیصلہ کیا ہے کہ تتیا سے دوادشی تک پوجا پنڈال میں مے کی حالت میں زائرین کو داخل نہیں ہونے دیا جائے گا۔ لیکن اسے کیسے روکیں گے؟
پوجا پنڈال کے داخلی دروازے پر بریتھ لائزر ٹیسٹ کیا جائے گا۔ اس کے لیے کلکتہ پولیس کی مدد لی جا رہی ہے۔ اس کے علاوہ 30 افراد پر مشتمل سیکیورٹی ٹیم تعینات کی جائے گی۔ اس کے ساتھ کلب کے رضاکار بھی ہوں گے۔ وہی اس معاملے کو دیکھیں گے۔ عامل صدر گورا رائے چودھری نے کہا، "وزیراعلیٰ نے کہا ہے کہ اشتمی کے دن شراب نہیں ملے گی۔ اس ہدایت کو مدنظر رکھتے ہوئے ہم نے تتیا سے دوادشی تک پوجا پنڈال میں نشے کی حالت میں کسی کو داخل نہ کرنے کا فیصلہ کیا ہے۔" انہوں نے بتایا کہ اس کے لیے پولیس کی مدد لی جائے گی۔
واضح رہے کہ ملن میلہ پرنگن میں پوجا اجلاس کے دن وزیراعلیٰ شوبھیندو ادھیکاری نے کہا تھا کہ اشتمی کے روز ریاست کی تمام شراب کی دکانیں بند رہیں گی۔ اس کے ساتھ ہی کسی بار یا پنشالہ (شراب خانہ) میں بھی شراب نہیں ملے گی۔ دیگر سالوں میں پوجا کے چار دن، یعنی ششٹی سے نومتی تک شراب کی دکانیں ریاست میں کھلی رہتی ہیں۔ دشمی یعنی دشیرا پر تو ویسے ہی شراب کی دکانیں بند رہتی ہیں۔ لیکن اس بار دو دن شپتمی (سپتمی) ہے۔ اس لیے اس بار پوجا کے پانچ دنوں میں اشتمی پر شراب کی دکانیں کھلی رکھنے پر پابندی عائد کی گئی ہے۔ شوبھیندو ادھیکاری نے کہا کہ جس روز ما دورگا کے پاو¿ں میں انجلی (نذرانہ) دیں گے، اس روز ریاست میں تمام شراب کی دکانیں بند رہیں گی۔ صرف یہی نہیں، بار کھلی رہیں گی تو بھی شراب پیش نہیں کی جائے گی۔ یعنی پہلے صرف دشمی پر 'ڈرائی ڈے' ہوتا تھا۔ اس بار پوجا میں مجموعی طور پر دو دن شراب کی دکانیں بند رہیں گی۔