محبت کی راہ میں رکاوٹ، شوہر کو قتل کے بعد الگ کر دیا سر،بیوی گرفتار باگڈوگرا میں سر کے بغیر لاش ملنے کے بعد تحقیقات میں جٹ گئی پولیس۔ واقعے میں پانچ افراد کو پہلے ہی گرفتار کر لیا گیا ہے۔ لیکن اس کے بعد پولیس کو قتل کی کہانی معلوم ہوئی۔ محبت کے تعلقات کی وجہ سے بیوی نے اپنے 10 سالہ شوہر کو قتل کر دیا۔ پہچان چھپانے کے لیے عاشق کی مدد سے لاش سے سر الگ کیا گیا۔ گزشتہ منگل کو باگڈوگرا کے ہانسکھوا چائے باغات کے نمبر 9 سیکشن میں چائے کی پتی توڑتے ہوئے چائے مزدوروں کو ایک سر کے بغیر لاش نظر آئی۔ بعد ازاں باگڈوگرا تھانے کی پولیس نے لاش کو ضبط کر کے پوسٹ مارٹم کے لیے نارتھ بنگال میڈیکل کالج و ہسپتال بھیجا۔ واقعے کی تحقیقات میں پولیس قتل کا سراغ لگا گئی۔ مقتول کی بیوی سمیت کل 5 افراد کو گرفتار کیا گیا۔ گرفتار افراد میں مقتول کی بیوی ممینا بیگم اور اس کا عاشق سدیپ پال شامل ہیں۔ وہ باگڈوگرا کا رہائشی ہے اور سدیپ کے 2 بھانجے نیتائی پال اور باپی پال اور بھانجے کا دوست کوشک ناتھ تینوں جلپائیگوری کے رہائشی ہیں۔ پولیس ذرائع کے مطابق، پچھلے 7 سالوں سے مقتول کی بیوی ممینا بیگم نکاح سے باہر تعلقات میں ملوث تھی۔ اسی طرح شوہر کو ہٹانے کے لیے قتل کا منصوبہ بنایا گیا! عاشق کی مدد سے بہار سے باگڈوگرا لا کر قتل کیا گیا امام کو۔ مقتول امام پیشے سے تانترک تھے۔ اسی سلسلے میں دوستانہ تعلقات قائم ہوئے باگڈوگرا کے رہائشی اور تانترک سدیپ پال سے۔ مقتول امام کے سسرال سلی گوڑی میں ہیں۔ بہار کے کشن گنج سے سوموار کی شام فون کر کے امام کو باگڈوگرا بلایا سدیپ نے۔ اس کے بعد انہیں 5 افراد نے مل کر منصوبہ بنا کر کلہاڑی سے قتل کر دیا۔ تاکہ کوئی ان کی لاش کو پہچان نہ سکے، اس لیے سر کاٹ کر الگ کر دیا گیا! لیکن پولیس نے تحقیقات شروع کرتے ہی اس کٹے ہوئے سر کی تلاش شروع کر دی۔ آخر کار قتل کے مقام سے 5 کلومیٹر دور فانسی دیوا کے منشی باڑی علاقے سے مقتول کا سر برآمد کر لیا۔ تاہم پولیس اس سر کی شناخت مقتول کے ساتھ کرنے کے لیے بھی تحقیقات کرے گی۔ اگرچہ ان کا ابتدائی اندازہ یہی ہے کہ یہ وہی سر ہے۔ جمعرات کو گرفتار 5 افراد کو سلی گوڑی عدالت میں پیش کیا گیا تو انہیں پوچھ گچھ کے لیے پولیس تحویل میں لے لیا گیا۔ پولیس ذرائع کے مطابق اس واقعے کی تحقیقات جاری ہیں۔ اس کے علاوہ قتل میں استعمال ہونے والے ہتھیاروں کی تلاش کی جا رہی ہے۔ تمام پہلوو¿ں کا جائزہ لیا جا رہا ہے۔

Source: Admin