Kolkata

ابھی حراست میں لینے کی ضرورت نہیں! تین ایف آئی آر میں ابھیشیک کو ہائی کورٹ نے ریلیف دیا

25/08/26

ابھی حراست میں لینے کی ضرورت نہیں! تین ایف آئی آر میں ابھیشیک کو ہائی کورٹ نے ریلیف دیا
کولکاتا ہائی کورٹ میں ابھیشیک بنرجی کو ریلیف ملا ہے۔ تین مقدمات میں ڈائمنڈ ہاربر کے رکن پارلیمنٹ کو تحفظ فراہم کیا گیا ہے۔ ریاست میں اقتدار کی تبدیلی کے بعد ان کے خلاف متعدد شکایات درج کی گئیں، جن میں بھوانی پور تھانہ، جنوبی 24 پرگنہ کے کلکتہ (کالی تلا) اور بشن پور تھانہ میں ابھیشیک کے خلاف درج تین ایف آئی آر میں ہائی کورٹ نے تحفظ دیا ہے۔ جسٹس سو¿گت بھٹاچاریہ نے حکم دیا کہ 30 نومبر تک ابھیشیک کے خلاف سخت کارروائی یا حراست میں لینے کی ضرورت نہیں ہے۔ تاہم انہیں تفتیش میں مکمل تعاون کرنا ہوگا۔ 23 نومبر کو دوبارہ مقدمے کی سماعت ہوگی۔ اس دن ہائی کورٹ نے پولیس کو تفتیش کی پیشرفت کے بارے میں تفصیلی رپورٹ دینے کا حکم دیا ہے۔
آج، منگل کو جسٹس سو¿گت بھٹاچاریہ کی عدالت میں اس سے متعلق مقدمے کی سماعت ہوئی۔ سماعت کے دوران جج نے مشاہدہ کیا کہ ہر ایف آئی آر کے معاملے میں ابھیشیک بنرجی کو عدالت میں حاضر ہونے کی ضرورت نہیں ہے، ورنہ مقدمات کی تعداد بڑھ جائے گی۔ اسی وجہ سے تینوں ایف آئی آر میں تحفظ بڑھایا گیا ہے۔ اس سلسلے میں عدالت نے مزید حکم دیا کہ ابھیشیک بنرجی کو طلب کرنے سے پہلے 48 گھنٹے پہلے نوٹس دینا ہوگا۔ تاہم اگر وہ تفتیش میں عدم تعاون کرتے ہیں تو ریاست عدالت کی توجہ اس طرف دلا سکتی ہے۔ دوسری جانب آج کی سماعت میں ابھیشیک بنرجی کے بیرون ملک سفر پر ریاستی حکومت نے اعتراض کیا۔

Source: Admin