حزب اللہ پہلے سے کہیں زیادہ کمزور، اس کے 10 ہزار ارکان کو مار دیا: نیتن یاہو

اسرائیلی وزیر اعظم نیتن یاہو نے اب تک حزب اللہ کے لگ بھگ 10 ہزار ارکان کو ختم کرنے کا اعلان کردیا اور کہا ہے کہ تنظیم پہلے سے کہیں زیادہ کمزور ہو چکی ہے۔ نیتن یاہو نے ایک ویڈیو پیغام میں کہا کہ ہم منظم طریقے سے جنوبی لبنان کو حزب اللہ سے پاک کر رہے ہیں۔ تنظیم حزب اللہ اسرائیل کے خلاف حملے شروع کرنے کے لیے لبنان کی سرزمین کا استعمال کرتی ہے۔ نیتن یاہو نے مزید کہا کہ لبنانیوں کے لیے میرا پیغام یہ ہے کہ اسرائیل آپ کے ساتھ جنگ کی حالت میں نہیں ہے۔ ہم حزب اللہ سے لڑ رہے ہیں، لبنانی عوام سے نہیں۔ انہوں نے یہ بھی کہا کہ اسرائیل لبنان کے ساتھ امن کا خواہاں ہے۔ لبنان کے ساتھ امن کی راہ میں واحد رکاوٹ حزب اللہ ہے۔ دوسری طرف اسرائیلی فوج نے اپنے بیان کے مطابق اعلان کیا ہے کہ اس نے گزشتہ چوبیس گھنٹوں کے دوران حزب اللہ کے بنیادی ڈھانچے پر حملہ کیا ہے اور صور اور جنوبی لبنان کے دیگر علاقوں میں متعدد تخریب کاروں کو ختم کردیا ہے۔ صہیونی فوج نے بتایا کہ ایک فضائی حملے کے فریم ورک کے اندر اسرائیلی فوج نے حزب اللہ کے ہتھیاروں کے ایک گودام پر حملہ کیا۔ حملے کے بعد ثانوی دھماکے دیکھے گئے جس سے گوادام کے اندر مزید ہتھیاروں کی موجودگی کی نشاندہی ہوئی۔ یاد رہے گزشتہ 2 مارچ سے اسرائیل اور حزب اللہ کے درمیان جھڑپیں اس وقت شروع ہیں جب حزب اللہ نے ایران کے سابق سپریم لیڈر علی خامنہ ای کے قتل کے جواب میں شمالی اسرائیل کی طرف میزائل داغے تھے اس کے جواب میں اسرائیلی افواج نے جنوبی لبنان، ملک کے مشرقی علاقے بقاع اور بیروت کے جنوبی مضافاتی علاقے (ضاحیہ) پر شدید فضائی حملے کیے۔ اس وقت سے واشنگٹن میں لبنان اور اسرائیل کے وفود کے درمیان براہ راست مذاکرات کے 4 دور منعقد ہونے کے باوجود اسرائیلی حملے نہیں رکے ہیں۔

Source: social media