حالات معمول پر ہیں: کویت، قطر نے تابکاری کے اخراج کی افواہیں مسترد کر دیں

کویت کے نیشنل گارڈ نے جمعے کے روز ملک میں تابکاری کے اخراج سے متعلق سوشل میڈیا پر زیرِ گردش افواہوں کی تردید کرتے ہوئے کہا ہے کہ ملک میں زمین، ہوا اور سمندر میں ان کی سطح معمول پر ہے۔ نیشنل گارڈ کے سرکاری ترجمان بریگیڈیئر جنرل ڈاکٹر جدعان فاضل نے مبینہ طور پر کہا ہے شیخ سالم العلی سنٹر فار کیمیکل ڈیفنس اینڈ ریڈیولوجیکل مانیٹرنگ میں خصوصی ٹیمیں متعلقہ ریاستی اداروں کے ساتھ ہم آہنگی اور تعاون میں صورتِ حال کا "مسلسل" جائزہ لے رہی ہیں، نیوز ایجنسی کیونا نے جمعہ کو اطلاع دی۔ مزید برآں رپورٹ میں فاضل کے حوالے سے کہا گیا ہے کہ تمام لوگ صرف سرکاری بیانات پر اعتماد کریں اور "ہر کسی کی حفاظت کے لیے" افواہیں یا غیر مصدقہ معلومات نہ پھیلائیں۔ دریں اثنا قطر نے جمعرات کو اسی طرح کے بیانات میں اس بات کی تصدیق کی کہ صورتِ حال معمول پر ہے۔ "موجودہ اعداد و شمار سے پتہ چلتا ہے کہ تابکاری کی تمام سطحیں معمول کے مطابق اور محفوظ حدود میں ہیں،" قطر کی وزارتِ ماحولیات و موسمیاتی تبدیلی نے ایک بیان میں کہا اور اس بات پر زور دیا کہ تابکاری کی ابتدائی نگرانی اور وارننگ کے لیے وزارت جدید نظام چلا رہی ہے جو مسلسل کام کر رہے ہیں۔

Source: solcial media