بحیرۂ کیسپیئن میں اسرائیل کا حملہ، ایران کو روسی اسلحہ کی ترسیل روکنے کی کوشش

ذرائع کے مطابق اسرائیل نے بحیرۂ کیسپیئن میں ایک بحری ہدف پر حملہ کیا، جس کا مقصد ایران کو جنگ کے دوران روسی حمایت فراہم کرنے والے راستوں کو نقصان پہنچانا تھا۔ اس میں وہ سپلائی لائنز نشانہ بنائی گئیں جو ہتھیار، ڈرونز اور دیگر عسکری سامان لے کر جاتی ہیں، جیسا کہ امریکی اخبار وال سٹریٹ جرنل نے رپورٹ کیا۔ یہ حملہ پچھلے ہفتے ہوا،اور یہ اسرائیل کا بحر قزوین میں پہلا حملہ تھا۔ یہ سمندر دنیا کا سب سے بڑا بند سمندر ہے اور روسی اور ایرانی بندرگاہوں کو جوڑتا ہے، جن کے درمیان فاصلہ تقریباً 600 میل ہے۔ یہی راستہ ہتھیار اور دیگر سامان جیسے گندم اور تیل کی ترسیل کے لیے استعمال ہوتا ہے اور امریکی بحری کارروائیوں کے دائرہ کار سے باہر ہے۔ ذرائع نے بتایا کہ یہ راستہ خاص طور پر شاہد ڈرونز کی ترسیل کے لیے اہم ہو گیا ہے، جو روس اور ایران میں تیار کیے جاتے ہیں۔ ماسکو نے ان کا استعمال یوکرین کے شہروں پر حملوں کے لیے کیا، جبکہ تہران نے انہیں خلیج میں امریکی اڈوں اور توانائی کے بنیادی مراکز کو نشانہ بنانے کے لیے استعمال کیا۔

Source: social media