اترپردیش کے وزیر توانائی اے کے شرما کی ایک ویڈیو سوشل میڈیا پر تیزی سے وائرل ہو رہی ہے جس میں عوام انہیں علاقے میں جاری بجلی کی قلت سے متعلق شکایت کر رہے ہیں لیکن ان کا ردعمل حیران کن رہا۔ جیسے ہی شکایت کی گئی، وزیر موصوف نے دونوں ہاتھ بلند کیے اور ’جے شری رام، جے بجرنگ بلی کی‘ کے نعرے لگاتے ہوئے اپنی گاڑی میں بیٹھ کر روانہ ہو گئے۔ نیوز پورٹل ’آج تک‘ پر شائع رپورٹ کے مطابق، یہ واقعہ ضلع سلطان پور کا ہے، جہاں اے کے شرما کا قافلہ گزر رہا تھا۔ مقامی تاجروں کے ایک گروپ نے ان کا استقبال کیا۔ وزیر جیسے ہی گاڑی سے اترے، تاجروں اور عام لوگوں نے انہیں پھولوں کے ہار پہنائے اور خوش آمدید کہا۔ اسی دوران کچھ افراد نے بجلی کی ناقص فراہمی کی شکایت کی اور انہیں مطالبات پر مبنی ایک مکتوب بھی پیش کیا۔ موقع پر موجود لوگوں نے وزیر سے کہا، ’’سر، صرف تین گھنٹے ہی بجلی آتی ہے، بہت پریشان ہیں، افسران سن نہیں رہے، اب آپ ہی کچھ کیجئے۔‘‘ لیکن وزیر توانائی نے جواب دینے کے بجائے ہاتھ جوڑ کر کہا، ’’ٹھیک ہے، ٹھیک ہے، دیکھتے ہیں‘‘، اور پھر ہاتھ اٹھا کر ’جے شری رام، جے شری رام، جے بجرنگ بلی کی‘ کا نعرہ لگا کر اپنی گاڑی میں بیٹھ گئے۔ عوام نے بھی اس کے بعد نعرے لگائے لیکن اصل مسئلہ وہیں کا وہیں رہ گیا۔ تاجروں کی جانب سے وزیر کو جو مکتوب پیش کیا گیا اس میں سوراپور پاور ہاؤس سے متعلق شکایات درج تھیں۔ انہوں نے مطالبہ کیا کہ علاقے میں صرف 3 سے 4 گھنٹے بجلی دستیاب ہے، اس لیے سوراپور اور کرودی کلاں سب اسٹیشنوں پر موجود پانچ پانچ ایم وی اے ٹرانسفارمرز کی گنجائش میں اضافہ کیا جائے۔ مزید مطالبات میں دیہی و شہری فیڈرز کو الگ کرنا، پرانے تاروں کی تبدیلی اور مارکیٹ کے لیے الگ فیڈر شامل تھے۔
Source: social media
مودی پانچ ممالک کے کامیاب دورے کے بعد وطن واپس
سیٹوں کی تقسیم کے بعد، ایس پی صدر اکھلیش یادو راہل گاندھی کی 'بھارت جوڑو نیا یاترا' میں شامل ہوئے
الیکشن سے عین قبل بہار ووٹر لسٹ کی خصوصی نظر ثانی نہیں ہونی چاہیے،سپریم کورٹ کا سخت تبصرہ
سپریم کورٹ کا بڑا فیصلہ،بہار میں ووٹر لسٹ کی نظرثانی کا عمل رہے گا جاری،آدھارکارڈ کو بھی ماننے کا حکم
ناجائز تعلقات میں رکاوٹ،باپ کا قتل کرنے کے بعد بیٹی عاشق کے ساتھ فلم دیکھنے چلی گئی
ٹینس کھلاڑی رادھیکا یادو کو والد نے گولی مار کر قتل کر دیا
مودی پانچ ممالک کے کامیاب دورے کے بعد وطن واپس
سیٹوں کی تقسیم کے بعد، ایس پی صدر اکھلیش یادو راہل گاندھی کی 'بھارت جوڑو نیا یاترا' میں شامل ہوئے
الیکشن سے عین قبل بہار ووٹر لسٹ کی خصوصی نظر ثانی نہیں ہونی چاہیے،سپریم کورٹ کا سخت تبصرہ
سپریم کورٹ کا بڑا فیصلہ،بہار میں ووٹر لسٹ کی نظرثانی کا عمل رہے گا جاری،آدھارکارڈ کو بھی ماننے کا حکم
ناجائز تعلقات میں رکاوٹ،باپ کا قتل کرنے کے بعد بیٹی عاشق کے ساتھ فلم دیکھنے چلی گئی
ٹینس کھلاڑی رادھیکا یادو کو والد نے گولی مار کر قتل کر دیا
دہلی این سی آر میں زلزلے کے تیز جھٹکے، دفتروں اور گھروں سے باہر بھاگے لوگ، افراتفری کا ماحول
سپریم کورٹ 14 جولائی کو نمیشا کی پھانسی پر روک لگانے کی درخواست پر سماعت کرے گی